Krainy Jeŭrasajuza ŭzhadnili zapusk novaj sistemy ŭjezdu i vyjezdu ŭ Šenhienskuju zonu

Pahadnieńnie, dasiahnutaje ministrami ŭnutranych spraŭ krain Jeŭrasajuza ŭ Bruseli, adkryvaje šlach da mahčymaha pačatku pracy sistemy vosieńniu, choć kankretnaja data pakul nie vyznačanaja.

Ciapier u dziaržaŭ — členaŭ Jeŭrasajuza budzie dva varyjanty: zapuścić novuju sistemu adrazu ž ci ŭ niekalki etapaŭ na praciahu šaścimiesiačnaha pierachodnaha pieryjadu, paśla zakančeńnia jakoha ŭsie rehistracyi pry pierasiačeńni miažy pavinny rabicca ŭ ramkach EES.

Paetapny padychod nie byŭ praduhledžany ŭ pieršapačatkovym zakanadaŭstvie. Adnak paśla ŭsiebakovaj sustrečy ŭ listapadzie jon byŭ vydzieleny ŭ jakaści žyćciazdolnaj alternatyvy dla vychadu z zaciahnutaha tupika i ŭkaranieńnia doŭhačakanaj sistemy.

Polšča jak kraina, jakaja ciapier vykonvaje staršynstva ŭ Radzie ES na ratacyjnaj asnovie, uznačalić pieramovy ź Jeŭrapiejskim parłamientam dla dasiahnieńnia kančatkovaha pahadnieńnia pa źmienienym zakonie, što, jak čakajecca, adbudziecca hładka.

«Kastryčnik — heta naš haryzont, — zajaviŭ Tomaš Siemoniak, ministr unutranych spraŭ i administracyi Polščy. — Sistema nadaść słužbam dziaržaŭ-členaŭ całkam novyja instrumienty dla kantrolu za tym, chto zajazdžaje i vyjazdžaje z Šenhienskaj zony, dla palicyi i pamiežnikaŭ. Heta absalutna nieabchodna».

EES — heta kompleksnaja reforma, jakaja pačałasia jašče ŭ 2016 hodzie i nieadnarazova adkładałasia. Jaje hałoŭnaja meta — madernizavać pravierki na źniešnich miežach ES i zamianić tradycyjny fizičny štamp u pašparcie.

EES budzie prymianiacca da hramadzian krain, što nie ŭvachodziać u ES, jakija pryjazdžajuć u błok z metaj turyzmu, adpačynku abo dziełavoj pajezdki i zastajucca ŭ ahulnym liku da 90 dzion na praciahu 180-dzionnaha pieryjadu.

Paśla ŭviadzieńnia sistemy ŭ dziejańnie naviedvalniki pavinny buduć pakazvać svaje pašparty pa prybyćci, a taksama fatahrafavać tvar i skanavać adbitki palcaŭ u elektronnym vyhladzie. Usie ŭjezdy i vyjezdy ź biaspašpartnaj Šenhienskaj zony buduć fiksavacca.

Zbor bijamietryčnych danych i abmien infarmacyjaj u režymie realnaha času zaklikany dapamahčy ŭładam spynić dziejańni tych, chto praterminoŭvaje karotkaterminovyja vizy i ździajśniaje machlarstva z asabistymi danymi.

U schiemie voźmuć udzieł usie krainy — členy ES, akramia Kipra i Irłandyi, a taksama čatyry asacyjavanyja členy Šenhienskaha pahadnieńnia — Isłandyja, Lichtenštejn, Narviehija i Šviejcaryja.

Na Kipry i ŭ Irłandyi štampy ŭ pašpartach pa-raniejšamu buduć prastaŭlacca ŭručnuju.

• 6
• 0
• 1
• 1
• 1
• 0
• 0
• 0