Łukašenka nazvaŭ imiony jašče niekalkich vysokapastaŭlenych chabarnikaŭ
Alaksandr Łukašenka 14 červienia na naradzie z uradam paviedamiŭ, što ŭ dačynieńni da pieršaha namieśnika staršyni Bresckaha abłvykankama Valancina Zajčuka viadziecca śledstva, jaho padazrajuć u atrymańni chabaraŭ. Taksama pad śledstvam znachodzicca kiraŭnik minskaha pradpryjemstva «Haraŭtamost».
Valancin Zajčuk, jak zajaviŭ Łukašenka, atrymlivaŭ tysiačy dalaraŭ za «spryjalnaje vyrašeńnie pytańniaŭ, jakija ŭvachodzili ŭ jahonuju kampietencyju».
«Ziamielnyja ŭčastki, vydzialeńnie hrašovych srodkaŭ (heta značyć vy hrošy dajacie, a jon ich dzielić z tymi, kamu vy dajecie), davańnie infarmacyi pra budaŭničyja abjekty sielhaspryznačeńnia i hetak dalej. Za sadziejničańnie», — cytuje Łukašenku jahonaja pres-słužba.
Treba skazać, što infarmacyja pra vierahodnaje zatrymańnie Valancina Zajčuka ŭ niezaležnych ŚMI źjaviłasia jašče ŭ lutym, ale aficyjnaha paćviardžeńnia jaje dahetul nie było. Havaryłasia taksama i pra prynamsi časovaje zatrymańnie inšych bresckich vysokich čynoŭnikaŭ.
Taksama Łukašenka paviedamiŭ, što pad śledstvam znachodzicca Pavieł Važnik, jaki apošnim časam kiravaŭ mienskim pradpryjemstvam «Haraŭtamost»:
«Ź lipienia 2023 hoda nabraŭ chabaraŭ na dziasiatki tysiač dalaraŭ».
U Breście zatrymlivali i eks-mera Rahačuka, i abłasnoha kiraŭnika Šulejku
U Breście zaŭvažyli źniknieńnie kiraŭnika adnaho z pradpryjemstvaŭ
Niekudy źnik pieršy namieśnik staršyni Bresckaha abłvykankama. Mahčyma, jaho zatrymali
Kryminalnuju spravu zaviali na byłoha namieśnika ministra enierhietyki Michadziuka. Jon u SIZA
MUS paćvierdziła aryšt top-mieniedžara čyhunki z $3 miljonami, a paśla vydaliła navinu z usich kanałaŭ. Što zdaryłasia?
Łukašenka znoŭ pahražaŭ uradu: Krok naleva, krok naprava — da ścienki pastavim
Kamientary