Z kim mohuć sustrecca minskaje «Dynama», «Tarpieda-BiełAZ» i «Isłač» ŭ jeŭrakubkach
Na sajcie UEFA pradstaŭleny śpis patencyjnych supiernikaŭ biełaruskich kłubaŭ u pieršym raŭndzie kvalifikacyj Lihi čempijonaŭ i Lihi kanfierencyj. Losavańnie projdzie ŭ aŭtorak u šviejcarskim Ńjonie.
U pieršym kvalifikacyjnym raŭndzie Lihi čempijonaŭ minskaje «Dynama» moža sustrecca z kimści z nastupnych kłubaŭ: FKSB (Rumynija, były «Ściaŭa»), «Piunik» (Armienija), «Łudahorac» (Bałharyja) i «Pietrakub» (Małdova).
Taksama daznalisia svaich supiernikaŭ u pieršym raŭndzie Lihi kanfierencyj «Tarpieda-BiełAZ» i «Isłač».
Patencyjnyja supierniki «Isłačy»: makiedonskaja «Škiendyja», čarnahorskaja «Budučnaść», andorski «Inter», ałbanskaja «Tyrana», «Ła Fijaryta» z San-Maryna.
Patencyjnyja supierniki «Tarpieda-BiełAZ»: «Dynama» Tbilisi, ałbanski «Partyzani» (jaho ŭ minułym hodzie ŭ pieršym raŭndzie prajšoŭ BATE), małdaŭski «Miłsami», baśnijskaje «Sarajeva», armianski «Urartu».
«Nioman» startuje z druhoha raunda turniru.
Nahadajem, što biełaruskija kłuby apošni raz dabiralisia da hrupavoj stadyi jeŭrakubkaŭ u siezonie 2018-2019, kali BATE hulała ŭ hrupavym raŭndzie Lihi Jeŭropy.
Kab dabracca asnoŭnaj stadyi Lihi čempijonaŭ, abo hrupavoj Lihi kanfierencyi, treba prajści čatyry raŭndy kvalifikacyi.
Matčy pieršaha raŭndu kvalifikacyi Lihi čempijonaŭ projduć 9-10 i 16-17 lipienia, kvalifikacyi Lihi kanfierencyj 11 i 18 lipienia.
Rumynija razhramiła Ukrainu ź likam 3:0
Na čempijanacie Jeŭropy zafiksavana pieršaja ničyja VIDEA
U Hamburhu mužčyna z kirkaj napaŭ na ludziej pierad futbolnym matčam Polšča — Niderłandy
Šatłandyja adyhrałasia za parazu na Jeŭra-2024 u «piŭnym dvuboi» z Hiermanijaj — VIDEA
Hałkipier zbornaj Čarnahoryi raptoŭna pamior va ŭzroście 26 hadoŭ
Litoŭski viaskovy padvorak na miažy ź Biełaruśsiu vyhladaje, jak aŭtasałon pa prodažy premijalnych aŭto VIDEA1
Kamientary