Dzieci kupalisia i znajšli bojeprypasy. Adzin ź ich pryciahnuŭ ułoŭ u škołu
U milicyju źviarnułasia žycharka Baranavič: jana znajšła ŭ svajho syna patrony, jakija toj nasiŭ u škołu.
Vyśvietliłasia, što anałahičny arsienał byŭ jašče ŭ niekalkich chłopcaŭ. Chłopčyki siabravali i razam bavili čas. Jak bojeprypasy trapili da dziaciej, raspaviała Taćciana Katok, aficyjny pradstaŭnik upraŭleńnia Dziaržkamiteta sudovych ekśpiertyz pa Bresckaj vobłaści, piša blizko.by.
Pryjacieli rastłumačyli, što znajšli patrony na dnie štučnaha vadajoma ŭ Lachavickim rajonie i vyrašyli zabrać «ułoŭ». Pravaachoŭniki ahledzieli ŭčastak, dzie adpačyvali dzieci, i padniali sa dna jašče dva dziasiatki bojeprypasaŭ. Ich adpravili na balistyčnuju ekśpiertyzu.
Ekśpiert daśledavaŭ 105 patronaŭ i pryjšoŭ da vysnovy, što ŭsie jany vyrableny zavadskim sposabam i źjaŭlajucca bojeprypasami da naraznoj ahniastrelnaj zbroi, 103 ź ich usio jašče prydatnyja dla stralby.
Pa hetym fakcie pravodzicca pravierka.
Taćciana Katok nahadała, jak varta pastupać z takimi znachodkami. Praviła ŭsiaho adno: kali vy vyjavili bojeprypasy abo kanstruktyŭna padobnyja da ich pradmiety, treba nieadkładna paviedamić u milicyju. Čapać i zabirać dadomu takija rečy nie varta.
Što za «Sihma boj»? Hetaj virusnaj pieśniaj zaniepakoilisia ŭ Jeŭraparłamiencie13
Kamientary