Sieryjny zabojca Juryj Hrycenka, jaki palavaŭ na žančyn u Maskvie i Padmaskoŭi, kala hoda słužyć u sanitarna-evakuacyjnym uzvodzie, paviedamlaje krynica SHOT.
Hrycenka pavinien byŭ vyzvalicca z mardoŭskaj VK hetym letam, bo adsiadzieŭ poŭny termin — 22 hady. Ale mańjak vyjšaŭ raniej — u vieraśni 2023 hoda jon pajechaŭ u atrad «Štorm Z». U šturmaviki 62-hadovaha zabojcu nie ŭziali pa stanie zdaroŭja, ale dla sanitarna-evakuacyjnaha ŭzvoda Hrycenka akazaŭsia prydatny.
Na vajnu jon paprasiŭsia sam, kab zarabić hrošy na pieršy čas na voli, dzie ŭ jaho ničoha nie zastałosia.
Hrycenka trymaŭ u strachu ŭsiu Maskvu i vobłaść. Pieršaje zabojstva były milicyjant, zvolnieny za pjanku z orhanaŭ, ździejśniŭ u 1993-m: patelniaj da śmierci zabiŭ prastytutku.
Adsiedzieŭ dzieviać hadoŭ i vyjšaŭ pa UDV, paśla čaho ŭ pačatku 2000-ch pačałasia čarada žudasnych napadaŭ na žančyn: mańjak padkradvaŭsia da achviar zzadu i biŭ ich małatkom u skroń.
Jon kazaŭ, što jamu padabaŭsia hłuchi huk udaru. Hrycenka paśpieŭ zabić piać žančyn i paranić 10.
Zatrymać zabojcu ŭ 2001 hodzie dapamoh kiroŭca aŭtobusa, jaki pačuŭ kryki, vyrvaŭ achviaru ad mańjaka i trymaŭ jaho da pryjezdu supracoŭnikaŭ.
«Tania, my z taboj!» Ułady zapuścili fłešmob u padtrymku žančyny ŭ čyrvona-zialonym VIDEA19
Kamientary