Papraŭčaja kałonija №17 pryznačanaja dla ludziej, jakija ŭpieršyniu adbyvajuć prysud źniavoleńniem.
Žurnalist Ihar Karniej, asudžany za prafiesijnuju dziejnaść da da troch hadoŭ pazbaŭleńnia voli, etapavany tudy pryblizna 20 červienia. Zaraz jaho źmiaścili ŭ karancinnaje adździaleńnie i ciaham miesiaca raźmiarkujuć u adzin z atradaŭ, piša BAŽ.
Ihar Karniej doŭhi čas pracavaŭ žurnalistam na Radyjo Svaboda, viadomy jak eseist, aŭtar tekstaŭ pra kulturna-histaryčnuju spadčynu Biełarusi, treveł-błohier.
Jon byŭ zatrymany 17 lipienia 2023 hoda, doma ŭ žurnalista byŭ praviedzieny pieratrus. Napačatku jon byŭ aryštavany na 10 sutak, mierkavana za padpiski «na ekstremisckija» kanały. Zatym suprać Ihara zaviali kryminalnuju spravu. Jaho abvinavacili va «ŭdziele ŭ ekstremisckim farmavańni» pavodle č. 3 art. 361-1 KK.
U Minskim haradskim sudzie 22 sakavika 2024 hoda byŭ vyniesieny prysud. Sudździa Siarhiej Kacar pryznačyŭ Iharu Karnieju try hady źniavoleńnia ŭ kałonii ahulnaha režymu i štraf 20 tysiač rubloŭ.
Siamja Ihara pakinuła Biełaruś.
Minskaja nastaŭnica zvolniłasia sa škoły za 3 miesiacy da kanca adpracoŭki. Kolki pryjšłosia zapłacić?26
Kamientary