Stali viadomyja abstaviny vyzvaleńnia ź biełaruskich turmaŭ hramadzian Ukrainy
Vyzvalenych ź biełaruskich turmaŭ ukraincaŭ pieradali praz suchaputnuju miažu, a tolki potym dastavili viertalotam u Kijeŭ
Słužba biaśpieki Ukrainy apublikavała videa vyzvaleńnia ŭkrainskich hramadzian.
Jak bačna na videa, ich pieradali ŭkrainskamu boku na miažy Bresckaj i Vałynskaj abłaściej, miažu jany pierajšli pieški, a zatym ich dastavili ŭ Kijeŭ na viertalocie.
Taksama, jak vidać na videa, niekatoryja pieramiaščajucca na invalidnych vazkach.
Jak paviedamlałasia, učora byli vyzvalenyja 10 čałaviek, piaciora ź jakich utrymlivalisia ŭ biełaruskich turmach.
Heta Mikoła Šviec, jakoha abvinavačvali ŭ dyviersii ŭ Mačuliščach, a taksama Pavieł Kupryjenka, Natalla Zacharanka, Ludmiła Hančarenka i Kaciaryna Bruchanava, asudžanyja na roznyja terminy ŭ Biełarusi.
«Heta vynik pracy Abjadnanaha centra pa kaardynacyi pošuku i vyzvaleńnia vajennapałonnych, jaki vykonvaŭ rašeńnie Kaardynacyjnaha štaba pa pytańniach abychodžańnia z vajennapałonnymi», — havorycca ŭ paviedamleńni SBU.
Jak taksama paviedamlałasia, abmien adbyŭsia dziakujučy pracy pradstaŭnikoŭ Vatykana.
Ukraina viarnuła piać svaich palitviaźniaŭ ź Biełarusi. I navat Mikołu Švieca, dyviersanta z Mačuliščaŭ
Što viadoma pra źniavolenych u Biełarusi hramadzian Ukrainy, jakija niečakana zdabyli volu?
Dziesiać ukraincaŭ, vyzvalenych paśla źniavoleńnia ŭ Rasii i Biełarusi, sustreli ŭ kijeŭskim aeraporcie FOTA
Jak vyzvalenych z pałonu ŭ Biełarusi i Rasii sustrakali ŭ kijeŭskim aeraporcie VIDEA
Kamientary