«Situacyja składanaja» — Pavieł Muraviejka prakamientavaŭ stanovišča na paŭdniovych rubiažach
«I jana mianiajecca kožny dzień, pryčym nie ŭ lepšy bok», — kaža načalnik Hienštaba.
Načalnik Hienštaba Uzbrojenych sił — pieršy namieśnik ministra abarony Pavieł Muraviejka vykazaŭsia ab stanoviščy na paŭdniovych rubiažach krainy:
«Stanovišča na našaj paŭdniovaj miažy dastatkova składanaje. I jana mianiajecca kožny dzień, pryčym nie ŭ lepšy bok.
U nas 1084 kiłamietry dziaržaŭnaj miažy z Ukrainaj. Litaralna ŭ apošnija tydni my nazirajem pakul ničym nie abhruntavanuju i pakul niezrazumiełuju nam aktyŭnaść la našych miežaŭ z boku Ukrainy.
U nasieleny punkt Oŭruč na rovienska-žytomirskim napramku prybyli padraździaleńni śpiecyjalnaha pryznačeńnia 1-j prezidenckaj bryhady. Śpiecnaz pablizu ad dziaržaŭnaj miažy zaŭsiody naściarožvaje. I heta tyja abjekty, jakija farmirujuć realnyja vykliki, jakija zdolnyja nasycić našu terytoryju dyviersijna-raźviedvalnymi hrupami, zdolnyja pravodzić pravakacyi.
Akramia taho, my bačym pieramiaščeńnie vojskaŭ, pieryjadyčnyja paloty bieśpiłotnikaŭ typu «Bajraktar» pablizu ad dziaržaŭnaj miažy. My sutykajemsia z pravakacyjami pa dziejańniach bieśpiłotnaj avijacyi na taktyčnym uzroŭni, jakaja parušaje našuju Dziaržaŭnuju miažu.
My bačym, što adbyvajecca miniravańnie i naroščvańnie inžyniernych zaharod.
My vymušany pieramiaščać tudy našy padraździaleńni, ustupać va ŭzajemadziejańnie z orhanami pahraničnaj słužby, naroščvać asobnyja napramki i rychtavacca da prykryćcia, a taksama ruchać tudy artyleryju dla taho, kab svoječasova być zdolnymi adreahavać.
Ja skažu, što abstanoŭka niaprostaja. Kali pakul vidavočnych pravakacyj mahutnych, rezanansnych nie adbyłosia, to heta tolki dziakujučy tamu razumnamu sensu, jaki jość na ŭsich uzroŭniach kamunikacyi i ŭzajemadziejańnia. Heta i palityčnyja dasiahnieńni, heta i pamiežnaje ŭzajemadziejańnie, heta i dziejańni našych padraździaleńniaŭ, u tym liku pablizu miažy. Ale realnyja vykliki, umovy dla taho, kab zrabić niejkija manipulacyi, siońnia vyrazna prahladajucca. My heta bačym, i my trymajem ruku na pulsie», — reziumavaŭ pieršy namieśnik ministra abarony.
Minabarony: Ukraina raźmiaściła padraździaleńni śpiecnazu na miažy ź Biełaruśsiu
Pamiežny kamitet Biełarusi ŭhledzieŭ «Ruski dobraachvotnicki korpus» na miažy z Ukrainaj
«Ukraina Biełarusi nie pahražaje, my vymušanyja abaraniacca». Ukrainskaja pamiežnaja słužba adkazała biełaruskaj
Minabarony adpraviła «Pałanezy» na prykryćcio miažy VIDEA
Ciapier čytajuć
«Pamiery pałochajuć». Jak vyhladaje znutry novaadkryty handlovy centr u «Minsk-Śviecie» FOTY11
Kamientary