Грамадства55

Чаму Пашынян стаў рэзка крытыкаваць Лукашэнку?

Армянскі эксперт патлумачыў акалічнасці беларуска-армянскіх адносін.

Никол Пашинян и Александр Лукашенко Нікол Пашынян і Аляксандр Лукашэнка Nikol Pashinyan and Alexander Lukashenko
Нікол Пашынян і Аляксандр Лукашэнка. Калаж: Armenpress

Нядаўна прэмʼер-міністр Арменіі Нікол Пашынян заявіў, што ні ён, ні які-небудзь іншы чыноўнік не наведае Беларусь, пакуль ва ўладзе там будзе Лукашэнка. А таксама што Ерэван можа выйсці з АДКБ, але гатовы памяняць сваё стаўленне да саюза, калі Лукашэнка выбачыцца перад Арменіяй ці Беларусь выйдзе з АДКБ

Эксперт Армянскага інстытута міжнародных адносін і бяспекі Рубэн Меграбян у эфіры «Еўрарадыё» адзначае, што напружанасць у адносінах вырасла пасля афіцыйнага візіту Лукашэнкі ў Азербайджан у маі.

У яго ходзе палітык зрабіў шэраг дастаткова праблематычных заяваў. Напрыклад, што яшчэ да пачатку ваеннага канфлікту ён лічыў, што праўда на баку Азербайджана.

Рубэн Меграбян Рубен Меграбян Ruben Mehrabyan
Рубэн Меграбян. Скрын відэа: EuroradioLive / YouTube

«Гэта выклікала пытанні. Фармальны саюзнік Арменіі, аказваецца, яшчэ да вайны прымаў удзел у дыскусіях аб мэтазгоднасці пачатку вайны і пры гэтым яе ўхваляў», — тлумачыць эксперт.

Як заўважае Меграбян, свае заявы Лукашэнка агучвае, бо ёсць «адмашка ад Пуціна». Таму Ерэван выказвае свае прэтэнзіі не канкрэтна Лукашэнку, а АДКБ.

«Крызіс з Лукашэнкам — гэта сімптом крызісу з АДКБ», — заўважае Меграбян.

У выніку, як вядома, Арменія і Беларусь адклікалі сваіх паслоў для кансультацый. Як адзначае эксперт, гэта прыводзіць не проста да паніжэння ўзроўню афіцыйных адносін, але і да таго, што Арменія лічыць Беларусь несяброўскай краінай.

«Рэжым Лукашэнкі адказвае нам узаемнасцю. Гэта будзе працягвацца да той пары, пакуль, як той казаў, ці падзе ішак, ці памрэ падзішах», — іранізуе Меграбян.

Ці магчыма ў такіх умовах афіцыйнае запрашэнне ў Арменію Святланы Ціханоўскай? Эксперт заўважае, што гэта рашэнне застаецца за ўрадам краіны, а сам ён лічыць, што такі крок павінен быць зроблены:

«Гэта пытанне мае як палітычнае, так і маральнае значэнне. І мне бачыцца гэта ў інтарэсах Арменіі ў плане яе пазіцыянавання на міжнароднай арэне. (…)

Падтрымка дэмакратычнага лідара Беларусі, краіны, якая з'яўляецца важнай часткай еўрапейскай постсавецкай прасторы, але штучна адхілена ад усіх працэсаў еўраінтэграцыі, неабходна для рэнамэ дэмакратычнага лідара Арменіі».

Меграбян адзначыў, што пасля сустрэч вышэйшага кіраўніцтва Арменіі са Святланай Ціханоўскай на міжнародных пляцоўках Арменія вырашыла, што будзе адказваць адмоваю на запыты беларускіх уладаў праз Інтэрпал ці іншыя міжнародныя праваахоўныя структуры аб выдачы людзей.

Каментары5

  • Правдоруб 54
    17.06.2024
    бабруйчанін, бабруец, капля камень точит!
    Россия твоя - НЕ великая держава, а так, Гондурас с ядерной боНбой)
    ...причём неизвестно, исправная ли та боНба с совеЦких времён)
  • Абсалютна дакладна
    17.06.2024
    Небясьпека ў тым, што Арменія дужа залежыць ад Расеі. І ўсё, што там заяўляюць сёньня можа лёгка быць закрэсьлена заўтра. Таму сп-ні Ціханоўскай зусім ня варта наведвацца ў Арменію, дастаткова кантактаў з кіраўніцтвам Арменіі ў час агульных еўрапейскіх мерапрыемстваў.
  • бабруйчанін
    17.06.2024
    Правдоруб 54, Гэта Пашынян Арменія зразумела .ні ўсе ..Грузіі грузінам паспрабуй разтлумачь..шмат каму. Сам сабе таксама ..Пачні каментаваць беларускай мабыць акрамя " рубапраўды" нешта разумнае атрымаецца

Стрыжак расказаў, як яго вербавалі спецслужбы

Стрыжак расказаў, як яго вербавалі спецслужбы

Усе навіны →
Усе навіны

Z-канал: Імаверна, Крыгер арганізоўваў дыверсіі ў Бранскай вобласці5

Раіла біць нагой у сківіцу кожнаму маскваротаму, называла акупацыю Марыупаля кармай — хто такая Ірына Фарыён, якую забілі ў Львове37

У Вілейскім раёне кіроўца пагрузчыка ледзь не ўрэзаўся ў пахавальную працэсію

Украіна спяшаецца стварыць ваенныя беспілотнікі са штучным інтэлектам1

Зяленскі павіншаваў Трампа з абраннем кандыдатам ад Рэспубліканскай партыі і назваў яго прэзідэнтам7

30-хвілінны марынад для простага курынага шашлыка6

Як змяніць беларускія нумары на літоўскія. Што трэба і колькі каштуе працэдура?15

Ірына Фарыён памерла ў бальніцы15

Стары паплечнік Лукашэнкі параўнаў яго з аяталой Хамейні. Параўнанне так сабе3

больш чытаных навін
больш лайканых навін

Стрыжак расказаў, як яго вербавалі спецслужбы

Стрыжак расказаў, як яго вербавалі спецслужбы

Галоўнае
Усе навіны →