Litva zapatrabavała da 10 lipienia vyvieźci zarehistravanyja ŭ Biełarusi pryčepy i paŭpryčepy
Zarehistravanyja ŭ Biełarusi pryčepy i paŭpryčepy, u tym liku buksavanyja ciahačami, zarehistravanymi ŭ inšych krainach, pavinny pakinuć terytoryju Litvy da 10 lipienia. Heta źviazana z 14-m pakietam sankcyj Jeŭrasajuza, paviedamlaje mytnia Litvy.
![](http://nnexpictures.fra1.digitaloceanspaces.com/img/w732d4webp1/photos/stock/img_0521-8gkq6.jpg.webp)
Pavodle tłumačeńnia litoŭskich mytnikaŭ, 29 červienia byli apublikavanyja źmieny ŭ rehłamient Rady Jeŭrasajuza, jakija ŭvodziać zabaronu na pieravozku hruzaŭ pa terytoryi ES aŭtapieravozčykami, što vykarystoŭvajuć zarehistravanyja ŭ Biełarusi pryčepy i paŭpryčepy, u tym liku kali jany buksujucca ciahačami, zarehistravanymi ŭ inšych krainach.
Abnoŭleny rehłamient nabyŭ moc 1 lipienia, ale ŭ kampanij nie było času adaptavacca da novych umoŭ.
Litoŭskaja mytnia papiaredžvaje, što hetyja pryčepy i paŭpryčepy, jakija vykarystoŭvajucca dla vyvazu tavaraŭ (ekspartu, reekspartu i tranzitu), pavinny pakinuć terytoryju ES da 10 lipienia.
Biełaruskija biznesmieny śpiešna pradajuć doli ŭ svaich polskich transpartnych kampanijach. Što adbyvajecca?
Polšča ŭviała zabaronu na vyvaz mnohich tavaraŭ u Biełaruś dla fizičnych asob
Biełaruś adreahuje na novyja sankcyi ES pastrožvańniem pravił impartu zachodnich tavaraŭ
Padsankcyjnyja aŭto i hruzaviki ŭsio adno traplajuć u Biełaruś i Rasiju, ale jość niatanny niuans
Kamientary