Polšča ŭviała zabaronu na vyvaz mnohich tavaraŭ u Biełaruś dla fizičnych asob
Z 4 lipienia pačali dziejničać novyja sankcyi na miažy. Taksama polskaja mytnia bolš nie prastaŭlaje Tax free, paviedamlaje telehram-kanał «Biełarusy ŭ Polščy».
Paviedamlajecca, što ad siońnia praviarajuć vyvaz techniki i zapčastak navat na zialonym kanale. Adnak možna vyvozić pradukty, leki. Poŭny śpis zabaronienych tavaraŭ budzie dadadzieny paźniej.
Telehram-kanał «Biełarusy ŭ Polščy» paviedamlaje, što novaŭviadzieńni vynikajuć z-za 14 pakieta sankcyj:
«Novaja źmiena skazała. Nazad u Polšču razvaročvajuć. Raskład taki. Pa zialonym paralelna mnie ludzi prajazdžali z tavaram. Pryjazdžaješ na [čyrvony] kanał z vatami, mytnia praviaraje, što viazieš — i viartaje ŭ Polšču. Užo chvilin 15-20 pa zialonym nichto nie jedzie, składana skazać, ci buduć dalej z tavaram prapuskać pa zialonym. Ja na razvarot», — paviedamlaje adzin z čytačoŭ.
Kamientary