Daktary z Turkmienistana, švački ź Niepała. Rabotnikaŭ ź jakich krain aktyŭna pryciahvaje Biełaruś
U Biełarusi ŭžo hod dziejničajuć sproščanyja praviły dla ŭjezdu zamiežnich rabotnikaŭ. MUS padzialiłasia statystykaj za 2023 hod.
U Biełaruś u 2023 hodzie pryjechali 9,5 tys. zamiežnych pracaŭnikoŭ z krain, jakim patrabujecca prachodzić lehalizacyju. I jašče 3,9 tys. — ź Jeŭrazijskaha ekanamičnaha sajuza, pišuć «Biełorusy i rynok».
Hetaja ličba bolšaja za značeńnie papiaredniaha hoda (10,7 tys.), jana vyrasła za košt krain pa-za JEAES — adtul pryjechała na 2,6 tys. čałaviek bolš. Tym nie mienš, kolkaść hastarbajtaraŭ usio jašče mocna adstaje ad 2019-2020 hadoŭ, kali ŭ krainu prybyvała kala 17 tys. čałaviek.
Kaho ŭdałosia pryciahnuć?
U 2023 hodzie, jak i ŭ papiarednija pieryjady, na pieršym miescy pa kolkaści pryjezdžych rabotnikaŭ stajać rasijanie, a na druhim — kitajcy. Apošnich u 2022 hodzie zajechała 2 tys., a ŭ 2023 — užo 2,4 tys.
U trojku lidaraŭ prabiŭsia Turkmienistan — 2087 ludziej, jakija pryjechali, u toj čas jak hodam raniej ich było tolki 808. Heta značyć, turkmienaŭ pryjechała ŭ 2,5 razu bolš. Hetaja kraina vycieśniła z top-3 Ukrainu, choć z apošniaj prytok ludziej taksama vyras — na 100 čałaviek, da 1,4 tys.
Značnaja kolkaść imihrantaŭ pryjechała taksama z:
- Uźbiekistana — 925 (suprać 750 u 2022 hodzie)
- Azierbajdžana — 338 (268 u 2022-m)
- Tadžykistana — 366 (200)
- Armienii — 266 (333)
- Kazachstana — 281 (322).
Bolš za sotniu prybyło z Kyrhyzstana, Małdovy i Niepała. Astatnija krainy pradstaŭlenyja dziasiatkami i adzinkami pryjezdžych.
Nadziei ŭładaŭ na biaźvizavy režym, jaki byŭ zaklikany prademanstravać žycharam susiednich dziaržaŭ pryvabnaść Biełarusi jak krainy dla žyćcia i pracy, nie apraŭdalisia. Z Polščy letaś pryjechała ŭsiaho 75 čałaviek, ź Litvy — 80, z Łatvii — 84.
Jakoha ŭzroŭniu śpiecyjalisty?
Pa rodzie dziejnaści asoby, jakija prybyli ŭ 2023 hodzie, raźmierkavalisia tak:
Bolšaść tych, chto pryjechaŭ z Kitaja i Ukrainy, stali rabočymi i kvalifikavanymi śpiecyjalistami, pry hetym Kitaj lidziruje ŭ opcyi kiraŭnikoŭ — 177 čałaviek, a ŭkraincy — pa kolkaści sielhasrabočych (174). Pryjezdžyja z Turkmienistana ŭ bolšaści stali rabotnikami śfiery absłuhoŭvańnia (amal 400 čałaviek) i rabočymi (287).
Ci zakryli deficytnyja vakansii?
Ź lipienia da kanca 2023 hoda ŭ Biełarusi dziejničaŭ pieralik prafiesij ad Minpracy, pa jakich nie treba atrymlivać śpiecdazvoł, kab pracaŭładkavacca ŭ Biełarusi. Jon składaŭsia z 10 prafiesij, samych zapatrabavanych rynkam pracy.
MUS pryvodzić źviestki, kolki inšaziemcaŭ skarystałasia hetaj mahčymaściu. Usiaho pa hetaj schiemie było pracaŭładkavana 580 čałaviek, bolšaść ź jakich (273) stała kiroŭcami. Pry hetym 187 pazicyj kiroŭcaŭ zaniali turkmieny.
Pa astatnich śpiecyjalnaściach nabor byŭ nastupny:
- švačka: 65 inšaziemcaŭ (ź ich bolšaść skłali vychadcy ź Niepała — 32 čałavieki),
- inžynier: 58 inšaziemcaŭ (ź ich 27 čałaviek kitajcaŭ),
- traktaryst: 47 (ź ich 11 ukraincaŭ i 10 uźbiekaŭ),
- lekar: 46 (ź ich 26 turkmienaŭ),
- miedbrat: 38 (ź ich 18 turkmienaŭ),
- ślesar: 33 (10 rasijan i 9 turkmienaŭ),
- elektryk: 8 (Uźbiekistan i Ukraina),
- vieterynar: 6 (Małdova i Ukraina),
- fielčar: 5 (Turkmienistan).
Kamientary