Były spartsmien Pavieł Šurmiej (pazyŭny «Dziadźka») vykonvaje abaviazki kamandzira pałka imia Kastusia Kalinoŭskaha, vynikaje ź jaho intervju online.ua.
U intervju Šurmiej pradstaŭleny jak v.a. kamandzira pałka i sam siabie tak nazyvaje, źviarnuŭ uvahu «Pozirk».
Raniej kamandziram kalinoŭcaŭ byŭ Dzianis Procharaŭ («Kit»).
Na svaich miedyjaresursach pra pierastanoŭki ŭ kiraŭnictvie połk nie paviedamlaŭ.
47-hadovy Šurmiej — prafiesijny viaślar, udzielnik dźviuch Alimpijad u składzie zbornaj Biełarusi pa akademičnym viesłavańni.
Na momant pačatku rasijskaj ahresii va Ukrainie znachodziŭsia ŭ ZŠA, adkul adrazu ž nakiravaŭsia ŭ Kijeŭ i dałučyŭsia da biełaruskaha dobraachvotnickaha ruchu. Byŭ paranieny. Uznaharodžany miedalom BNR za advahu.
Žanaty z ukrainskaj viaślarkaj Alenaj Burak.
U Biełarusi suprać Šurmieja zaviedzienaja kryminalnaja sprava.
Bataljon imia Kastusia Kalinoŭskaha byŭ stvorany 9 sakavika 2022 hoda. 26 sakavika taho ž hoda jon uvajšoŭ u skład Uzbrojenych sił Ukrainy (USU), a 21 traŭnia było abvieščana ab jaho transfarmacyi ŭ połk u składzie dvuch bataljonaŭ — «Vołat» i «Teror». Paźniej byŭ sfarmavany treci — «Litvin». Paśla «Teror» staŭ asobnym padraździaleńniem USU pa-za składam pałka.
25 vieraśnia 2023 hoda PKK abviaściŭ ab stvareńni novaha bataljona «Western» z udziełam zamiežnikaŭ, u skład jakoha ŭvajšli «aficery krain NATO i zamiežnyja hramadzianie, jakija majuć bajavy vopyt u Iraku i Afhanistanie».
U Biełarusi pa fakcie stvareńnia pałka Kalinoŭskaha zaviedziena kryminalnaja sprava, jon pryznany «ekstremisckim farmiravańniem».
«This f*cking AI». Pierakładčyk Łukašenki pry prezidencie AAE vykarystaŭ niedypłamatyčnaje słova7
Kamientary
«Pozirk» tolki abłožki videa hladzić? Samo videa nie hladzieli? A darma. Varta pahladzieć: baza.