U kałoniju adpravili žančynu, jakaja zrabiła hrašovyja pieravody palitviaźniam na 188 rubloŭ
Žycharku Bresta Irynu Pahadajevu pakarali tryma hadami kałonii pavodle artykuła ab «sadziejničańni ekstremizmu». Raniej jana zrabiła 32 hrašovyja pieravody ahułam na 188 rubloŭ palitviaźniam, jakich abvinavacili ŭ «złačynstvach ekstremisckaj nakiravanaści».
55-hadovaja Iryna Pahadajeva atrymała prysud (sudździa Andrej Siz) u 3 hady kałonii za pieravody palitviaźniam pa 4-5 rubloŭ. Pavodle viersii abvinavačvańnia, žančyna zrabiła minimum 32 hrašovyja pieravody palitviaźniam na ahulnuju sumu 188 rubloŭ, piša «Bresckaja hazieta».
Iryna Pahadajeva na sudzie pryznała, što rabiła pierakłady. Ale nie pryznała, što dapamahała «ekstremistam». Pavodle jaje słoŭ, jana ažyćciaŭlała pieravody ŭ SIZA vyklučna z-za spahady zatrymanym i žadańnia dapamahčy tym, chto apynuŭsia ŭ składanaj žyćciovaj situacyi.
Pahadajeva siadzić u Bresckim SIZA 2 miesiacy. Jaje pryznali palitviaźniem.
«Kubło takoje». Ź pierapisak Kabančuka robicca jasna, čamu Vieramiejčyka paličyli niebiaśpiekaj i zabaranili jamu ŭjezd va Ukrainu34
Kamientary