Rasijski amierykaniec Džef Monsan načapiŭ majku sa svastykaj. Ale jamu za heta ničoha nie budzie
53-hadovy kolišni bajec MMA Džef Monsan, jaki naradziŭsia i bolšuju častku žyćcia pravioŭ u ZŠA, ale ŭ 2013 hodzie pierajechaŭ u Rasiju, pryniaŭšy miascovaje hramadzianstva i admoviŭšysia ad amierykanskaha, dniam apublikavaŭ svajo fota ŭ majcy z nacysckaj svastykaj. Ale karać jaho za heta nichto nie źbirajecca.
Reč u tym, što Monsan nie tolki nadrukavaŭ svastyku, ale paralelna źmiaściŭ na majcy antyizrailskija matyvy. Maŭlaŭ, takim čynam jon pratestuje suprać fašyzmu ŭ luboj jaho prajavie.
«Na žal, siońnia ŭ śviecie praz stolki hadoŭ znoŭ uźnikaje pahroza fašyzmu. Pa ironii losu, mienavita Izrail, kraina, jakaja stała achviaraj nacystaŭ, ciapier zajmajecca hienacydam i etničnymi čystkami ŭ Paleścinie pry padtrymcy ZŠA», — zajaviŭ kolišni amierykanski hramadzianin, a ciapier apantany prychilnik Pucina i deputat rehijanalnaha parłamienta Baškartastana.
Hety parłamient, darečy, taksama nie źbirajecca ładzić nijakaha raźbiralnictva z nahody fota svajho deputata. Jahony śpikier zajaviŭ, što, maŭlaŭ, zapadozryć bajca MMA ŭ simpatyjach da nacyzmu nielha, a malunak na jahonaj futbołcy źmiaščaje vidavočnaje asudžeńnie prajaŭ fašyzmu ŭ luboj formie.
Jak bajec MMA Džef Monsan dasiahnuŭ viadomaści i asnoŭnych pośpiechaŭ u nulavyja hady. Padčas žyćcia ŭ Amierycy jon adznačaŭsia prychilnaściu da krajnie levych pohladaŭ, siarod inšaha demanstrujučy simpatyi da pucinskaj Rasii.
22 sakavika 2013 hoda Džef Monsan zajaviŭ, što hatovy pamianiać hramadzianstva ZŠA na hramadzianstva Rasii i svaje namiery ŭrešcie ździejśniŭ. Rasijskaje hramadzianstva dla jaho było ŭchvalena ŭ śniežni 2015 hoda i nadadziena ŭkazam Pucina 28 maja 2018 hoda. U 2023 hodzie Monsan kančatkova vyjšaŭ z amierykanskaha hramadzianstva. U Rasii ž jon horača padtrymlivaje ŭsio, što robić pucinski režym, nieadnojčy naviedvajučy samaabvieščanyja respubliki i vykazvajučysia ŭ ich padtrymku.
U vieraśni 2023 hoda Monsan byŭ abrany ŭ parłamient Respubliki Baškartastan, a taksama ŭvachodziŭ u kamandu Pucina na apošnich prezidenckich vybaraŭ u Rasii. U červieni 2024 hoda publična pryniaŭ isłam u centry Maskvy ŭ znak salidarnaści i padtrymki Paleściny.
YouTube zabłakavaŭ kanały Z-śpievaka Šamana i inšych rasijskich praŭładnych vykanaŭcaŭ
Prapahandysty pościać fota pra «raskošnaje žyćcio» premjerki Estonii pry SSSR. Akazałasia, što ŭsio nie tak
Stała viadoma, što za žančyna-pravakatarka chadziła pa Breście z rasijskim ściaham z Z-simvolikaj
Kult asoby Łukašenki ŭzmacniajecca, rastuć sumnievy ŭ pieramozie Ukrainy — analityki
Na «Alimpijadzie biez palityki» z udziełam biełarusaŭ u Rasii biez palityki nie abyšłosia. Adna z krain vystupaje bieź ściaha
Na biełaruskaj kramie Kropka ŭ Vilni pa-litoŭsku napisali «Viartajciesia dadomu, biełaruskija śvińni»8
Kamientary
A voś pravyja, jakich u ŚMI lubiać nazyvać "krajniepravymi", abo "ultrapravymi", padtrymlivajuć Izrail. Tamu mnohija viadomyja franuzskija žydy hałasavali na RN.