Biełarusaŭ zamiežža abaviažuć paviedamlać pra šlub i naradžeńnie dziaciej. A jakoje pakarańnie tym, chto praihnaruje?
Dniami Łukašenka padpisaŭ papraŭki ŭ zakony pa rehulavańni šlubnych i siamiejnych adnosin. Ź jaho vynikaje, što biełarusaŭ zamiežža abaviažuć paviedamlać dziaržavie ab rehistracyi šlubaŭ i naradžeńni dziaciej za miažoj.
Dziaržava choča viedać pra ciabie ŭsio
Zhodna sa źmienami ŭ zakanadaŭstvie, u biełarusaŭ źjavicca abaviazak paviedamlać u kampietentnyja orhany źviestki ab rehistracyi šlubaŭ i naradžeńni dziaciej za miažoj.
Zrabić heta treba budzie nie paźniej za 6 miesiacaŭ z momantu rehistracyi akta hramadzianskaha stanu.
«Paradak pradstaŭleńnia hramadzianami, uliku i apracoŭki nazvanych źviestak orhanami, jakija rehistrujuć akty hramadzianskaha stanu, vyznačajecca ŭradam Biełarusi», — havorycca ŭ zakonie.
Asnoŭnyja pałažeńni zakona ŭstupajuć u siłu 1 studzienia 2025 hoda. Infarmacyi pra toje, što čakaje biełarusaŭ, jakija praihnarujuć novyja patrabavańni, niama.
U toj ža čas uradu pastaŭlena zadača da 1 studzienia 2025 hoda zabiaśpiečyć pryviadzieńnie aktaŭ zakanadaŭstva ŭ adpaviednaść z hetym zakonam i pryniać inšyja miery pa jaho realizacyi.
Ci źjavicca adkaznaść za ihnaravańnie patrabavańniaŭ?
Pakul niezrazumieła. Situacyja padobnaja da toj, što skłałasia z abaviazkam padavać źviestki pra najaŭnaść druhoha hramadzianstva, DNŽ, karty palaka i inšych dakumientaŭ, jakija dajuć prava na ilhoty ŭ zamiežnych dziaržavach.
Patrabavańnie jość, a voś adkaznaści za nievykanańnie hetych patrabavańniaŭ — niama.
Siłaviki anansavali, što ź ciaham času prałabirujuć źmieny ŭ Kodeks ab administratyŭnych pravaparušeńniach, kab składać pratakoły na tych, chto nie paviedamiŭ, naprykład, pra svaju kartu palaka. Adnak pakul pakarańnie tak i nie prydumali.
***
Całkam aznajomicca z usimi źmienami možna pa spasyłcy.
-
«Fieliks — miascovaja zorka». Biełarus śpiavaje na miažy z Polščaj i zabaŭlaje kiroŭcaŭ VIDEA
-
Čamu ŭ vialikim abmienie nie było biełaruskich palitviaźniaŭ? Adkaz Viačorki
-
«Kali b Zachad zatrymlivaŭ łukašenkaŭskich ahientaŭ, moh by być abmienny fond». Viačorka — pra palitviaźniaŭ, kadravuju ciakučku ŭ Kabiniecie, situacyju na miažy i vizy
«Kali b Zachad zatrymlivaŭ łukašenkaŭskich ahientaŭ, moh by być abmienny fond». Viačorka — pra palitviaźniaŭ, kadravuju ciakučku ŭ Kabiniecie, situacyju na miažy i vizy68
Kamientary