Biełaruś ustanaviła biaźvizavy režym dla hramadzian 35 krain Jeŭropy
Jon budzie dziejničać z 19 lipienia.
![](http://nashaniva.com/img/w840d4webp1/photos/z_2024_07/belp40717-b6ist.jpg.webp)
«Rašeńniem Łukašenki biaźvizavy paradak ujezdu ŭ Biełaruś dla hramadzian Polščy, Litvy, Łatvii (a taksama asob, jakija majuć status niehramadzianina Łatvii), što dziejničaŭ z 2022 hoda, raspaŭsiudžany na hramadzian jašče 35 krain Jeŭropy», — paviedamlaje Pamiežny kamitet.
Ustanaŭlivajecca, što dla hramadzian nazvanych dziaržaŭ biaźvizavy paradak ujezdu ŭ Biełaruś, vyjezdu ź Biełarusi ažyćciaŭlajecca praz usie aŭtadarožnyja i čyhunačnyja mižnarodnyja punkty propusku praź dziaržaŭnuju miažu pa sapraŭdnych dakumientach dla vyjezdu za miažu na termin časovaha znachodžańnia na terytoryi Respubliki Biełaruś nie bolš za tryccać sutak z dnia ŭjezdu.
Inšaziemcy, jakija prybyli ŭ biaźvizavym paradku na terytoryju Biełarusi, zmohuć pieramiaščacca tranzitam u trecija krainy za vyklučeńniem Rasijskaj Fiederacyi, u tym liku i praz avijacyjnyja punkty propusku.
Hety biaźvizavy paradak pačnie dziejničać z 8.00 19 lipienia.
-
«Žyćcio kipić, burlić i viruje». Jakoj pabačyli Biełaruś emihranty, jakija viarnulisia na radzimu paśla doŭhaj adsutnaści
-
«Staronku pieraharnuć sapraŭdy para». Ruskamirac Ahafonaŭ raskazaŭ, što pabačyŭ padčas svajho karotkačasovaha źniavoleńnia
-
Nieviduščy śpiavak z aŭtamatam u rukach na jubilej Łukašenki pryniaŭ vajskovuju prysiahu
Kamientary