U Italii žurnalistku aštrafavali za žarty pra rost premjer-ministra Miełoni — heta paličyli bodyšejminham
Žurnalistka nazvała Džordžu Miełoni «maleńkaj žančynaj rostam 1,2 mietra».
Italjanskaja žurnalistka Džulija Karteze była aštrafavanaja sudom na 5 tysiač jeŭra za žarty pra rost premjer-ministra Džordžy Miełoni.
Na dumku suda, adrazu dva dopisy žurnalistki ŭ internecie byli abraźlivymi, piša BBC.
Karteze i Miełoni ŭstupili ŭ pikiroŭku ŭ siecivie jašče ŭ 2021 hodzie, kali apošniaja była ŭ apazicyi. Spačatku Karteze apublikavała zdymak, na jakim Miełoni staić pobač z partretam Bienita Musalini. Palityk tady pryhraziła pajści ŭ sud z-za fejkavaj fatahrafii.
Karteze fota vydaliła, pryznaŭšy, što na aryhinalnym zdymku partreta nie było. Adnak žurnalistka zajaviła, što Miełoni joj pahražała.
«Vy mianie nie zapałochajecie, Džordža Miełoni. Akramia taho, vaš rost usiaho 1,2 m. Ja navat nie baču vas», — napisała Karteze ŭ adnym z pastoŭ. U inšym žurnalistka nazvała palityka «maleńkaj žančynaj».
Pa danych italjanskich ŚMI, rost Miełoni — 163 sm. Sud pryznaŭ dopisy Karteze bodyšejminham — i abaviazaŭ jaje vypłacić premjer-ministru 5 tysiač jeŭra.
Miełoni zajaviła, što nakiruje srodki na dabračynnaść. Karteze ž kanstatavała, što va ŭrada Italii «jość prablemy sa svabodaj słova». Pry hetym žurnalistka nie paviedamlała, ci budzie abskardžvać rašeńnie suda.
-
Pucin prydumaŭ ekzatyčnuju viersiju, čamu ŭ 2022 hodzie pryniaŭ rašeńnie adstupić ad Kijeva
-
Danija moža adkazać amierykancam za Hrenłandyju asimietryčnym udaram. I heta budzie adčuvalna dla elit
-
NATA aficyjna pryznała sprobu Kramla likvidavać kiraŭnika adnaho z najbujniejšych jeŭrapiejskich vytvorcaŭ zbroi
Jak za biełaruskimi apazicyjanierami špijoniła madel Onlifans3
Kamientary