Stała viadoma, pieśnia jakoj amierykanskaj supierzorki stanie hałoŭnaj padčas kampanii Kamały Charys
Šmatrazovaja ŭładalnica «Hremi» časta była aktyŭnaj udzielnicaj palityčnych mierapryjemstvaŭ.
![](http://nashaniva.com/img/w840d4webp1/photos/z_2023_02/beyonce230206-hwztf.jpg.webp)
Amierykanskaja pop-dziva Biejonse dazvoliła vykarystoŭvać svaju muzyku ŭ pieradvybarnaj kampanii Kamały Charys, piša CNN.
Ciapier pieśnia artystki pad nazvaj Freedom stanie aficyjnaj miełodyjaj u prezidenckaj honcy novaha kandydata ad Demakratyčnaj partyi. Pra heta śćviardžaje CNN, spasyłajučysia na insajdera z atačeńnia Charys.
Pa słovach krynicy, kamanda Kamały chutka atrymała dazvoł ad pradstaŭnikoŭ śpiavački, jakaja vielmi prydzirliva stavicca da padobnych rečaŭ. Bolš za toje, Charys užo zrabiła svoj pieršy aficyjny vystup u štab-kvatery kampanii, vyjšaŭšy pad trek Biejonse.
Varta adznačyć, nieadnarazovaja ŭładalnica «Hremi» nieadnarazova była aktyŭnaj udzielnicaj palityčnych mierapryjemstvaŭ.
Tak, u 2013 hodzie jana praśpiavała nacyjanalny himn na inaŭhuracyi prezidenta Baraka Abamy. U 2016 hodzie Biejonse i jaje muž Džej-Zi byli chedłajnierami pieradvybarčaha kancerta Chiłary Klintan u Kliŭlendzie.
Śpiavačka Biejonse zapłaciła 100 tysiač dalaraŭ, kab dapamahčy fanatam viarnucca dadomu paśla jaje kancerta
Biejonse ŭstanaviła rekord «Hremi» z samaj vialikaj kolkaściu ŭznaharod u historyi
Charys zaručyłasia dastatkovaj padtrymkaj dla vyłučeńnia kandydatam u prezidenty
Jak Bajden prymaŭ rašeńnie admovicca ad udziełu ŭ vybarach prezidenta ZŠA. Chronika vychodnych
Kamału Charys užo padtrymali Klintany, Abama maŭčyć
Kamientary