Va ŭnutranych vojskaŭ zaŭvažyli zachopleny ŭkrainski bronieaŭtamabil. Jak jon moh trapić u Biełaruś?
Broniemašyna «Kazak-5» trapiła na fota z bajavoha zładžvańnia śpiecnaza «Viciaź», piša partał mil.in.ua.
Fota z ukrainskim bronieaŭtamabilem apublikavaŭ aficyjny telehram-kanał unutranych vojskaŭ. Na zdymku śpiecnazaŭcy pazirujuć na fonie broniemašyny, jakuju ŭkrainskija žurnalisty identyfikavali jak «Kazak-5».
Broniemašynu, vierahodna, vykarystoŭvaje navučalny centr padrychtoŭki, na ŭzbrajeńni va ŭnutranych vojskaŭ jana nie znachodzicca. Viadoma, što «Kazak-5» u Biełaruś nikoli nie pastaŭlaŭsia.
Bronieaŭtamabil moh trapić u krainu razam z adstupaŭšymi z Kijeŭskaj vobłaści ŭ 2022 hodzie rasijskimi vojskami. Jašče adzin varyjant: mašynu mahli pryvieźci padraździaleńni PVK «Vahnier», jakija pieradysłakavalisia ŭ Biełaruś u 2023 hodzie paśla niaŭdałaha buntu.
U pačatku poŭnamaštabnaha ŭvarvańnia «Kazak-5» pastaŭlaŭsia ŭ pamiežnuju słužbu Ukrainy i ŭ Nachvardyju. Armija ŭ toj čas vykarystoŭvała bolš staruju madel «Kazak-2m».
U pahransłužbie raspaviali, što ŭ pačatku poŭnamaštabnaj vajny nie fiksavalisia vypadki strat albo źniščeńnia mašyn «Kazak-5» siarod padraździaleńniaŭ pahraničnikaŭ.
«Nu dzie ž ja moh sustreć kłasnaha kiraŭnika? U kamiery mahiloŭskaha SIZA! A zatrymali jaho praz naš čat vypusknikoŭ»4
Kamientary