Ва ўнутраных войскаў заўважылі захоплены ўкраінскі бронеаўтамабіль. Як ён мог трапіць у Беларусь?
Бронемашына «Казак-5» трапіла на фота з баявога зладжвання спецназа «Віцязь», піша партал mil.in.ua.
Фота з украінскім бронеаўтамабілем апублікаваў афіцыйны тэлеграм-канал унутраных войскаў. На здымку спецназаўцы пазіруюць на фоне бронемашыны, якую ўкраінскія журналісты ідэнтыфікавалі як «Казак-5».
Бронемашыну, верагодна, выкарыстоўвае навучальны цэнтр падрыхтоўкі, на ўзбраенні ва ўнутраных войскаў яна не знаходзіцца. Вядома, што «Казак-5» у Беларусь ніколі не пастаўляўся.
Бронеаўтамабіль мог трапіць у краіну разам з адступаўшымі з Кіеўскай вобласці ў 2022 годзе расійскімі войскамі. Яшчэ адзін варыянт: машыну маглі прывезці падраздзяленні ПВК «Вагнер», якія перадыслакаваліся ў Беларусь у 2023 годзе пасля няўдалага бунту.
У пачатку поўнамаштабнага ўварвання «Казак-5» пастаўляўся ў памежную службу Украіны і ў Нацгвардыю. Армія ў той час выкарыстоўвала больш старую мадэль «Казак-2м».
У пагранслужбе распавялі, што ў пачатку поўнамаштабнай вайны не фіксаваліся выпадкі страт альбо знішчэння машын «Казак-5» сярод падраздзяленняў пагранічнікаў.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары