Na cyrymonii adkryćcia Alimpijskich hulniaŭ dyktar pierabłytaŭ dźvie Karei. Zapachła mižnarodnym skandałam
Pradstaŭlajučy Paŭdniovuju Kareju padčas cyrymonii adkryćcia Alimpijskich hulniaŭ u Paryžy, dyktar nazvaŭ krainu «Karejskaj Narodna-Demakratyčnaj Respublikaj», choć na ekranach tranślacyi ŭ hety momant była napisanaja pravilnaja nazva hetaj krainy — Respublika Kareja.
Paŭdniovych karejcaŭ pamyłka aburyła, bo kraina dahetul znachodzicca sa svajoj paŭnočnaj susiedkaj u stanie vajny. Ministr sportu Paŭdniovaj Karei navat źviarnuŭsia ŭ MZS krainy z prośbaj vykazać rezki dypłamatyčny pratest Francyi.
Kab pryhasić mahčymy mižnarodny skandał u zarodku, Mižnarodny alimpijski kamitet napisaŭ u svaim aficyjnym akaŭncie sietki Ch pra toje, što vielmi škaduje pra pamyłku.
Nie abyšłosia bieź nieparazumieńnia i ŭ inšym elemiencie mierapryjemstva: padčas uračystaha ŭźniaćcia ściaha na płoščy kala Ejfielevaj viežy arhanizatary pamyłkova pieraviarnuli jaho dahary nahami. Ale hetym hodnaść nijakaj kankretnaj krainy zakranutaja nie była.
Zavajavany pieršy załaty miedal Alimpijady
Jašče adzin z zapaminalnych momantaŭ adkryćcia Alimpijady: vykanańnie hienijalnaj Imagine na achoplenym ahniom rajali VIDEA
Selin Dyjon, jakaja pakutuje na ciažkuju chvarobu, vykanała pieśniu na Ejfielevaj viežy
U Paryžy prajšła hrandyjoznaja i navatarskaja cyrymonija adkryćcia Alimpijskich hulniaŭ FOTY
Kamientary