Kubrakoŭ zahadaŭ paskoryć vydaču pašpartoŭ. Abiacajuć pracavać kruhłasutačna
Pres-słužba MUS źviarnuła ŭvahu na šmatlikija skarhi hramadzian adnosna prablem z terminovym i paskoranym afarmleńniem vydačy biełaruskich pašpartoŭ i paviedamiła, što pytańniem zaniaŭsia asabista ministr Ivan Kubrakoŭ.
Pavodle pres-słužby MUS, «situacyja ŭziataja pad asabisty kantrol ministra, dadzieny šerah adpaviednych daručeńniaŭ».
Taksama Kubrakoŭ zahadaŭ stvaryć z supracoŭnikaŭ centralnaha aparata MUS manitorynhavuju pracoŭnuju hrupu dla sadziejničańnia rehijanalnym padraździaleńniem pa hramadzianstvie i mihracyi.
Akramia taho, abvieščana, što dla paskareńnia pracesu vyrabu i vydačy pašpartoŭ centr piersanalizacyi dakumientaŭ pierachodzić na kruhłasutačny režym pracy.
Raniej paviedamlałasia, što žychary Minska skardziacca na zatrymki z vydačaj novych pašpartoŭ. Paźniej ustanoŭlenaha terminu atrymlivajuć ich i tyja, chto mianiaŭ dakumienty ŭ zvyčajnym paradku, i tyja, chto zapłaciŭ za paskorany vyrab. Čynoŭniki MUS prablemu pryznavali i spasyłalisia na prablemy z drukam dakumientaŭ.
Kamientary