Lidar katałonskich sieparatystaŭ Pučdemon viarnuŭsia ŭ Ispaniju paśla siami hadoŭ vyhnańnia
Jamu pahražaje zatrymańnie i turemnaje źniavoleńnie.
![](http://nashaniva.com/img/w840d4webp1/photos/z_2024_08/pudemon_ap240808-koha6.jpg.webp)
Eks-kiraŭnik Katałonii Karles Pučdemon, jaki pakinuŭ Ispaniju paśla refierendumu ŭ 2017 hodzie, źjaviŭsia ŭ Barsiełonie i znoŭ źnik paśla vystupu pierad prychilnikami. Jamu pahražaje zatrymańnie, piša Deutsche Welle.
U čaćvier, 8 žniŭnia, 61-hadovy lidar katałonskich nacyjanalistaŭ źjaviŭsia ŭ centry Barsiełony ŭ supravadžeńni palitykaŭ sa svajoj partyi i pahutaryŭ sa svaimi prychilnikami.
«Jany pieraśledujuć nas na praciahu siami hadoŭ tolki tamu, što my chacieli dać katałonskamu narodu prava hołasu», — zajaviŭ jon u svaim karotkim vystupie. Tranślacyja vystupu viałasia na YouTube-kanale Pučdemona.
Paśla hetaha Pučdemon źbiraŭsia prysutničać na pasiadžeńni parłamienta ŭ Barsiełonie, na jakim pavinna adbycca zaćviardžeńnie kiraŭnikom Katałonii sacyjalista Salvadora Ilji. Da parłamienta byŭ ściahnuty vialiki kantynhient palicyi, kab pieraškodzić Pučdemonu ŭvajści ŭ budynak.
Adnak vybary kiraŭnika katałonskaj administracyi pačalisia ŭ adsutnaść lidara niezaležnikaŭ, pišuć ispanskija ŚMI, paviedamlajučy taksama, što Pučdemon znoŭ źnik.
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja
![](http://nashaniva.com/img/w450h300crop1webp1/photos/stock/viachorka3-aajnw.jpg.webp)
Kamientary