Rasijski aliharch Dzierypaska nazvaŭ vajnu suprać Ukrainy varjactvam i zaklikaŭ da nieadkładnaha spynieńnia ahniu
Blizki da Uładzimira Pucina pradprymalnik, jaki pajechaŭ pradstaŭlać Rasiju na mierapryjemstva ŭ ramkach Azijacka-Cichaakijanskaha ekanamičnaha supracoŭnictva, raskrytykavaŭ vajnu ŭ intervju japonskaj presie.
Rasijski aliharch Aleh Dzierypaska vykazaŭsia za chutčejšaje zaviaršeńnie vajny suprać Ukrainy.
Dzierypaska pryjechaŭ pradstaŭlać Rasiju na pasiadžeńni Dziełavoha kansultatyŭnaha savieta ATES u Tokia, piša Nikkei.
Vydańnie nazyvaje Dzierypasku «adnym z samych lubimych aliharchaŭ Pucina». Pry hetym pradprymalnik u intervju japonskim žurnalistam nazvaŭ vajnu suprać Ukrainy varjactvam.
«Kali vy chočacie spynić vajnu, spačatku treba spynić ahoń», — skazaŭ jon, zaklikaŭšy da «nieadkładnaha i biezumoŭnaha spynieńnia ahniu» va Ukrainie.
Dzierypaska nie staŭ kamientavać svaju blizkaść da Pucina. Jon zajaviŭ, što ŭ jahonych stasunkach z Kramlom źmienaŭ niama: «Jany [Kreml] mianie nie čapajuć, my nie čapajem palityku».
Dzierypaska źjaŭlajecca zasnavalnikam rasijskaha hihanta pa vytvorčaści aluminija «Rusał» i jaho maciarynskaj enierhietyčnaj kampanii En+ Group, a taksama zasnavalnikam «Bazavaha elemienta», adnaho z najbujniejšych pramysłovych kanhłamierataŭ Rasii. Pavodle danych Forbes, jahony majomasny stan składaje amal 3 młrd dalaraŭ.
Aliharch z 2018 hoda znachodzicca pad sankcyjami ZŠA praź blizkaść da Kramla, paśla poŭnamaštabnaha ŭvarvańnia Rasii va Ukrainu Dzierypaska trapiŭ pad sankcyi Jeŭrasajuza, Vialikabrytanii i Aŭstralii.
Dzierypaska krytykavaŭ vajnu ŭ 2022 hodzie, u intervju Financial Times u 2023-m jon zaklikaŭ «abodva baki da zaviaršeńnia kanfliktu».
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary
Smotritie do konca
https://youtu.be/ALTxbh7GwDw