Ad 4000 da 6300 rubloŭ. Kolki budzie kaštavać navučańnie ŭ VNU
Pavyšeńnie koštu navučańnia ŭ VNU sioleta nie płanujecca — tak učora zajaviŭ pieršy namieśnik ministra adukacyi Alaksandr Bachanovič. Studentami-płatnikami ŭžo stali bolš za 16 tysiač abituryjentaŭ. Onliner.by pacikaviŭsia, kolki ciapier daviadziecca płacić za vučobu pieršakurśnikam papularnych minskich VNU.
Na sajcie BDU apublikavanyja rascenki za navučańnie, ustanoŭlenyja letaś. Žurnalisty patelefanavali ŭ pryjomnuju kamisiju pad vyhladam studentaŭ — tam rastłumačyli, što ŭ novym navučalnym hodzie košty nie źmieniacca.
Naprykład, samaja vysokaja cana zaŭvažany na niekalkich jurydyčnych śpiecyjalnaściach: «mižnarodnaje prava», «ekanamičnaje prava», «pravaznaŭstva « — 6372 rubli.
Vučoba na miechmacie abyjdziecca studentam u 4560 rubloŭ, na fakultecie prykładnoj matematyki — u 5101 rubiel, radyjofiziki i kampjuternych technałohij — u sumu ad 4560 da 5101 rubla.
Samyja nizkija vydatki na vučobu ŭ hetym univiersitecie buduć u fiłołahaŭ i sacyjołahaŭ — 4016 rubloŭ.
«Zavočka» pieršakurśnikam abydziecca ŭ 2178 rubloŭ.
U BDUIR samaja vysokaja dla pieršakurśnikaŭ apłata składzie 4910 rubloŭ — takaja ŭstanoŭlena adrazu na niekalkich fakultetach: kampjutarnych sistem i sietak, infarmacyjnych technałohij i kiravańnia, inžynierna-ekanamičnym.
Samy nizki košt vučoby ŭ hetym univiersitecie — 4300 rubloŭ — na fakultecie radyjotechniki i elektroniki. «Zavočka» dla studentaŭ pieršaha kursa ŭsich śpiecyjalnaściaŭ abyjdziecca jašče tańniej — 1695 rubloŭ.
Studentam pieršaha kursa ŭ BNTU sioleta ŭstanavili dźvie sumy — 5368,18 i 5033,28 rubla. Da prykładu, maksimalnuju ź ich treba budzie ŭnieści budučym architektaram, markietołaham, łahistam, pramysłovym dyzajnieram. Mienšaja z hetych ličbaŭ budzie, naprykład, na mašynabudaŭničym i spartyŭna-techničnym fakultetach.
U BDEU, jaki ŭ narodzie viedajuć jak «narhas», sioleta adnolkavyja sumy dla ŭsich śpiecyjalnaściaŭ. Pieršakurśnikam na dzionnym treba budzie zapłacić za vučobu 3641,40 rubla. Na «zavočcy» pieršy kurs budzie kaštavać 1299 rubloŭ.
Novy navučalny hod u BDMU dla budučych terapieŭtaŭ i chirurhaŭ abyjdziecca ŭ 4740 rubloŭ — taki košt dla płatnikaŭ nazvali ŭ dekanacie lačebnaha fakulteta.
Dla stamatałahičnaha fakulteta košt navučańnia jašče nie vyznačany. Tam skazali, što košt jašče budzie mianiacca i stanie viadomy da 20-ha čysła žniŭnia.
Cichanoŭskaja pavinšavała tvitar z hadavinaj bitvy pad Oršaj. I tut pačałosia14
Cichanoŭskaja pavinšavała tvitar z hadavinaj bitvy pad Oršaj. I tut pačałosia
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2727
Kamientary