«Čatyry hady tamu adbylisia padziei, jakija pamianiali našu krainu». Cichanoŭskaja źviarnułasia ŭ hadavinu vybaraŭ-2020
Nacynalnaja lidarka Śviatłana Cichanoŭskaja źviarnułasia z nahody čaćviortych uhodkaŭ prezidenckich vybaraŭ 2020 hoda. Jana zaklikaje nie apuskać ruki i nie viešać nasy.
«Čatyry hady tamu adbylisia padziei, jakija pamianiali našuju krainu, i pamianiali nas z vami. Ja pamiataju tuju niejmaviernuju enierhietyku na płoščach. My ŭsie vieryli ŭ chutkija pieramieny. Nam zdavałasia, što voś-voś, dyktatura ruchnie, i my zmožam pabudavać krainu, pra jakuju tak doŭha maryli i za jakuju zmahalisia.
Ja čuła takuju dumku, što ŭ biełarusaŭ maŭčańnie — nie značyć zhoda. Heta značyć, my zatailisia, my rychtujemsia da novaha momantu, a jon abaviazkova budzie.
Biełarusam unutry krainy ja chaču padziakavać za vašuju śmiełaść i za vašuju ciarplivaść. Ja nie prašu vas ryzykavać: nie toj momant. Ciapier toj čas, kali treba źbierahčy siabie. Taksama chaču źviarnucca da biełarusaŭ za miažoj. Pakul unutry krainy niemahčymyja aktyŭnyja dziejańni, nam z vami treba raźvivać usio vonki. Vielmi važna raźvivać našuju biełaruskuju supolnaść.
Davajcie zrobim usio mahčymaje, kab hety mur ruchnuŭ, jak i ŭsia heta biesčałaviečnaja sistema. A dla hetaha — treba pracavać z sajuźnikami. Umacoŭvać suviazi pamiž saboj. Natchniać i natchniacca. Pamiatać, što samaje hałoŭnaje — heta ludzi. Heta my z vami. Davajcie kłapacicca i padtrymlivać adno adnaho. Razam my ŭsio adolejem i abaviazkova zaviaršym toje, što pačali ŭ 2020-m».
«Tolki biełarusy mohuć kožny dzień». Zhadvajem narodny kreatyŭ u pratesnych płakatach
Jak žyvie chłopiec, jaki 9 žniŭnia 2020 hoda išoŭ u sčepcy z amapaŭcam
Try partyi, jakija na vybarach u KR sumarna nabrali 165 hałasoŭ, asprečyli status Cichanoŭskaj
Chto zamiest Cichanoŭskaj? Knyrovič: Kankretnych prapanoŭ niama
Prakopjeŭ, Jahoraŭ i Knyrovič: Mandat Cichanoŭskaj skončycca 9 žniŭnia 2025 hoda
Kamientary