Rasijanie ŭdaryli pa supiermarkiecie va ŭkrainskaj Kanstancinaŭcy: bušuje pažar, 10 čałaviek zahinułych, 35 paranienych
Jašče adzin z paranienych znachodzicca ŭ ciažkim stanie, jamu akazvajuć nieabchodnuju miedycynskuju dapamohu.
Rasijanie nanieśli ŭdar pa Kanstancinaŭcy ŭ Danieckaj vobłaści, u pryvatnaści, trapili ŭ supiermarkiet — tam bušuje pažar, 10 zahinułych i 35 čałaviek atrymali ranieńni, piša «Ukrainskaja praŭda».
«10 čałaviek zahinuli — takija papiarednija nastupstvy abstrełu Kanstancinaŭki. Rasijanie abstralali horad sa stvolnaj artyleryi, trapili ŭ supiermarkiet. Heta čarhovy metanakiravany ŭdar pa miescy zboru ludziej, čarhovy akt teroru ad rasijanaŭ», — napisaŭ kiraŭnik vobłaści Vadzim Fiłaškin.
Kiraŭnik AVA ŭdakładniŭ, jašče adzin z paranienych znachodzicca ŭ ciažkim stanie, jamu akazvajuć nieabchodnuju miedycynskuju dapamohu.
«Na miescy pracujuć palicyja, ratavalniki, miedyki i ŭsie adkaznyja słužby. Kančatkovyja nastupstvy abstrełu ŭstaloŭvajem», — padsumavaŭ Fiłaškin.
U sacsietkach pišuć, što ŭdar byŭ naniesieny pa supiermarkiecie «Eka-Markiet».
Ciapier čytajuć
Jak siońnia žyvuć Kuźniečyki, jakija amal dva hady chavalisia ŭ pasolstvie Šviecyi, kab nie trapić u kipciury siłavikoŭ?2
Kamientary
V etom suť russkoho voinstva.
Oni i v Kurskoj obłasti łupiat fabami i iskandžrami po svoim nasielonnym punktam.
Prostoj narodiec Rośsii ničieho nie stoit, kak i v RB.