Za paŭhoda polskija pamiežniki vyjavili 800 biełarusaŭ, jakija nielehalna znachodzilisia ŭ Polščy
Bolšaść trapiłasia na miažy.
U I paŭhodździ 2024 hoda pamiežnaja słužba Polščy vyjaviła 796 biełarusaŭ, jakija nielehalna znachodzilisia ŭ Polščy. U paraŭnańni z tym ža pieryjadam minułaha hoda takija vypadki značna pačaścilisia — tady vyjavili 425 čałaviek, piša Most.
Biełarusy na druhim miescy siarod zamiežnikaŭ, jakija nielehalna znachodziacca ŭ Polščy. Na pieršym — hruziny (1412 čałaviek).
Jak vynikaje sa statystyki pamiežnaha viedamstva Polščy, čaściej za ŭsio prablemy vyjaŭlajucca pry pierasiačeńni miažy. 515 biełarusaŭ, jakija byli ŭ Polščy nielehalna, vyjavili na miažy ź Biełaruśsiu. Jašče vosiem — na miažy z Ukrainaj i troch — u aeraporcie.
270 hramadzian Biełarusi, jakija nie zmahli paćvierdzić zakonnaść znachodžańnia ŭ Polščy, zatrymali ŭnutry krainy. Čaściej za ŭsio ich vyjaŭlali na terytoryi Padlaskaha vajavodstva (59 čałaviek), a taksama Mazavieckaha i Nižniesilezskaha (pa 42 čałavieki).
Taksama pahransłužba vyjaviła 376 biełarusaŭ, jakija nielehalna pracavali ŭ Polščy abo ažyćciaŭlali na terytoryi krainy haspadarčuju dziejnaść. Ale maštab hetaj źjavy źnižajecca. Dla paraŭnańnia: za šeść miesiacaŭ 2023 hoda na tym ža parušeńni trapilisia 438 biełarusaŭ.
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary