Voś kolki za jaho chočuć vyručyć.
Na aŭkcyjonnaj placoŭcy «IPM-tarhi» źjaviłasia cikavaja abjava. Tut pradajuć ceły ciepłachod. Prodaž vialikich vodnych transpartnych srodkaŭ u Biełarusi i biez taho źjava redkaja, a ŭ Minsku tak i zusim redkaja, piša Blizko.by.
TAA «Biznes RM» pradaje ciepłachod z dvuma pryčalnymi pantonami. Usia majomaść znachodzicca na Kamsamolskim voziery, u muziejna-parkavym kompleksie «Pieramoha».
U składzie łota try pradmiety: pasažyrski ciepłachod dla pieravozki pasažyraŭ na miascovaj linii «Novy Niaśviž» (pabudavany ŭ 1954 hodzie, rehistracyjny numar RB-133) i dva pryčalnyja pantony: «PP-04» i «PP-038» (pabudavany adpaviedna ŭ 1967 i 1976 hadach, majuć rehnumary RB-135 i RB-134).
Pracazdolnaść vuzłoŭ i ahrehataŭ nie praviarałasia. Pry instrumientalnym kantroli, dyjahnostycy, razborcy mahčyma vyjaŭleńnie schavanych defiektaŭ.
Startavy košt łota — 195.000 rubloŭ.
Krok aŭkcyjonu składaje 5% ad cany. Akramia taho, pieramožca pavinien budzie apłacić 4% ad cany prodažu łota jak ŭznaharodžańnie arhanizataru tarhoŭ, a taksama 500 rubloŭ vydatkaŭ. Heta značyć, pakupnik pavinien budzie vykłaści minimum 213.440 rubloŭ, abo 68.690 dalaraŭ ZŠA.
Tarhi adkryjucca 3 vieraśnia a 11:00.
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu16
Kamientary