U Navapołackim haradskim sudzie 8 žniŭnia asudzili Dźmitryja Šałaka pavodle č. art. 368 (abraza Łukašenki) i art. 369 (abraza pradstaŭnika ŭłady) Kryminalnaha kodeksa.
Sudździa Taćciana Chrypač pryznačyła Dźmitryju try hady i šeść miesiacaŭ kałonii va ŭmovach ahulnaha režymu, a taksama štraf pamieram 200 bazavych vieličyniaŭ (8000 rubloŭ). Na prysud źviarnuŭ uvahu telehram-kanał «Vitiebsk, ja hulaju!».
Novapałačanina abvinavacili ŭ tym, što jon ź lipienia 2021 pa krasavik 2022 hoda ŭ roznych telehram-hrupach pakidaŭ kamientary ŭ bok Łukašenki i pradstaŭnikoŭ ułady, paviedamiła pres-słužba Viarchoŭnaha suda. Mužčyna całkam pryznaŭ vinu.
Letam 2023 hoda Dźmitryju pryznačali administracyjny aryšt, paśla čaho zatrymali ŭ miežach kryminalnaj spravy. Pavodle sudovaha raskładu, suprać Dźmitryja ahułam prajšło dva sudy pa tych ža samych artykułach. Pieršy — jašče ŭ lutym 2024 hoda.
Dźmitryj Šałak — supracoŭnik pradpryjemstva «Naftan», a taksama bubnač navapołackaha hurta Paranoia Dolls, piša «Viasna».
Ciapier čytajuć
Vybityja dźviery, maski-šou, zatrymańnie top-mieniedžaraŭ. Pačaŭsia pahrom «Jeŭraopta»13
Kamientary