У Наваполацкім гарадскім судзе 8 жніўня асудзілі Дзмітрыя Шалака паводле ч. арт. 368 (абраза Лукашэнкі) і арт. 369 (абраза прадстаўніка ўлады) Крымінальнага кодэкса.
![](http://nashaniva.com/img/w840d4webp1/photos/z_2024_08/alak240812-9zv4c.jpg.webp)
Суддзя Таццяна Хрыпач прызначыла Дзмітрыю тры гады і шэсць месяцаў калоніі ва ўмовах агульнага рэжыму, а таксама штраф памерам 200 базавых велічыняў (8000 рублёў). На прысуд звярнуў увагу тэлеграм-канал «Витебск, я гуляю!».
Новапалачаніна абвінавацілі ў тым, што ён з ліпеня 2021 па красавік 2022 года ў розных тэлеграм-групах пакідаў каментары ў бок Лукашэнкі і прадстаўнікоў улады, паведаміла прэс-служба Вярхоўнага суда. Мужчына цалкам прызнаў віну.
Летам 2023 года Дзмітрыю прызначалі адміністрацыйны арышт, пасля чаго затрымалі ў межах крымінальнай справы. Паводле судовага раскладу, супраць Дзмітрыя агулам прайшло два суды па тых жа самых артыкулах. Першы — яшчэ ў лютым 2024 года.
Дзмітрый Шалак — супрацоўнік прадпрыемства «Нафтан», а таксама бубнач наваполацкага гурта Paranoia Dolls, піша «Вясна».
-
Кіраўніца інтэрнэт-праектаў АНТ распавяла, чаму раптоўна звольнілася ў 2022 годзе і як з'ехала ў Аўстралію
-
«Каб быць з фізічным светам на ты». Журналіст Галко, перабраўшыся з Украіны ў Польшчу, пайшоў працаваць на стайню
-
Беларус здолеў пераканаць суд, што яго прызналі пагрозай для бяспекі Польшчы беспадстаўна
Каментары