Palitźniavolenaha Alaksandra Kamlonka ŭ sieradu pačnuć sudzić za «abrazu Łukašenki» i «finansavańnie ekstremisckaj dziejnaści».
![](http://nashaniva.com/img/w840d4webp1/photos/z_2024_08/kamlionak240813-uebnb.jpg.webp)
Imia Alaksandra Kamlonka źjaviłasia ŭ raskładzie Viciebskaha abłasnoha suda na 14 žniŭnia. 42-hadovaha aršanca buduć sudzić pavodle dvuch kryminalnych artykułaŭ: č. 1 art. 368 KK (abraza Łukašenki) i č. 1 art. 361-2 KK (finansavańnie dziejnaści ekstremisckaha farmavańnia), piša «Viasna».
Praces budzie prachodzić zakrytym režymie, sudzić Alaksandra pryznačany Jaŭhien Burunoŭ.
Alaksandr — žychar Oršy. Jaho zatrymali ŭ lutym, kali jon viarnuŭsia ŭ Biełaruś z pracy. Raniej Alaksandr pracavaŭ u łakamatyŭnym depo, ale paśla 2020 hoda byŭ abo zvolnieny, abo sam zvolniŭsia — padobna, što zvalnieńnie było palityčna matyvavanym. Paśla hetaha Kamlonak pracavaŭ dalnabojnikam u zachodnich krainach. A kali viarnuŭsia dadomu z zamiežža, byŭ zatrymany.
Sud Vierchniadźvinskaha rajona pryznaŭ staronku Alaksandra ŭ «Adnakłaśnikach» «ekstremisckaj».
Siońnia pačynajuć sudzić byłoha palitviaźnia z Baranavičaŭ — jamu pahražaje da 12 hadoŭ kałonii
Šmatdzietnuju maci, čyj syn — palitviazień, sudziać pa kryminalnaj spravie. Joj pahražaje da 7 hadoŭ
Palitviaźniu Cimuru Ryzapuru, u jakoha vypuścili piać humovych kul, dadali hod kałonii za niepadparadkavańnie administracyi
Kamientary