Śpiavak Piotr Jałfimaŭ padzialiŭsia ŭ sacyjalnych sietkach, što znoŭ ažaniŭsia. Viasielny zdymak artyst padpisaŭ tak: «Cichaje ščaście biez napruhi! Ty maja viečnaść! Maja ty rodnaja!» Saŭndtrekam abraŭ svaju ž novuju pieśniu «Cichaja havań».
Miarkujučy pa videa ŭ sacsietkach, viasielle adbyłosia ŭ nievialikim kole samych blizkich. Žanich šmat śpiavaŭ.
Treciaj žonkaj 44-hadovaha artysta stała Volha Susłava (jana ŭžo źmianiła proźvišča na Jałfimava). Joj 41 hod, naradziłasia žančyna ŭ Sankt-Pieciarburhu. U sacyjalnych sietkach Volhi paznačana, što jana z 2021 hoda pracuje ŭ miuzikłavym art-kłastary «OFF-teatr» u Maskvie. Viadoma, što paznajomiłasia para padčas majstar-kłasu va Uładzimiry.
Šmat chto z prychilnikaŭ Piatra ździviŭsia navinie pra viasielle, bo ludzi byli ŭpeŭnieny, što artyst ščaślivy ŭ šlubie sa svajoj pradziusarkaj Taćcianaj Kasmačovaj. Jašče letaś u ŚMI pra ich paru pisali jak pra prykład taho, što vialikaja roźnica va ŭzroście (Taćciana starejšaja za Piatra na 27 hadoŭ) nijak nie pieraškadžaje kachańniu. Tym bolš što sam śpiavak nidzie publična nie kazaŭ pra razvod. Ale ŭ sacyjalnych sietkach Volhi jość ahulnyja zdymki ź Piatrom, pačynajučy z 2021 hoda. A na jaje jutub-kanale šmat videa ź jaho vystupleńniaŭ.
Nahadajem: pieršaje viasielle Piatra Jałfimava adbyłosia ŭ 2000 hodzie. Tady jon ažaniŭsia ŭ Mahilovie z Natallaj Dziamienćjevaj. Byłaja žonka raspaviadała ŭ intervju «Kamsamolskaj praŭdzie», što razład u ich pačaŭsia z taho, što Piatra paklikali ŭ «Pieśniary».
U pačatku 2004-ha para aformiła razvod.
«Napeŭna, pravilniej za ŭsio skazać, što šlachi razyšlisia. Jamu chaciełasia śpiavać, lotać, tvaryć. A mnie chaciełasia siamji ŭ pramym sensie hetaha słova — sa spakojnaj chatniaj abstanoŭkaj, ź dziećmi», — paźniej pryznałasia Natalla žurnalistam.
Paśla abrańnicaj Piatra stała Taćciana Kasmačova, jakaja była jahonaj kancertnaj dyrektarkaj i pradziusarkaj. Šmathadovaje siabroŭstva pierarasło ŭ niešta bolšaje, i ŭ 2009 hodzie para aformiła adnosiny. Piotr aficyjna ŭdačaryŭ Palinu — dačku Taćciany, jakoj na toj momant było 12 hadoŭ. U instahramie Piatra apošni ahulny zdymak z Taćcianaj źjaviŭsia ŭ 2019 hodzie. Podpis byŭ łakaničny — «My!!!». Ale ŭ 2021 jany jašče davali intervju jak adna siamja i raspaviadali pra toje, jak budavali ŭłasny dom.
«Lubimy tvor — aryja z rok-opiery «Isus Chrystos — supierzorka». Siamiejnaja hutarka sa śpievakom Piatrom Jałfimavym
Pradziusar i žonka śpievaka Jałfimava: «My i raniej vystupali ŭ Krymie? I što? Nichto nam va Ukrainu ŭjezd nie zabaraniaŭ»
Piatro Jałfimaŭ pieramoh na rasijskim šou «Hałoŭnaja scena» pa vynikach internet-hałasavańnia
Ciapier čytajuć
Vybityja dźviery, maski-šou, zatrymańnie top-mieniedžaraŭ. Pačaŭsia pahrom «Jeŭraopta»13
Kamientary