U Śvietłahorsku pieradavicu vytvorčaści i šmatdzietnuju maci sudzili za raspaŭsiud «ekstremizmu»
U Śvietłahorskim rajonnym sudzie 16 žniŭnia vioŭsia administracyjny praces suprać Iryny Subocinaj, piša «Homielskaja Viasna».
Na žančynu było nakładziena administracyjnaje spahnańnie pa č. 2 art. 19.11 (raspaŭsiudžańnie, vyrab, zachoŭvańnie, pieravozka infarmacyjnaj pradukcyi, jakaja ŭtrymlivaje zakliki da ekstremisckaj dziejnaści albo prapahanduje takuju dziejnaść) KaAP RB.
Pastanovu vynosiła sudździa Hanna Hulevič. Prysud vyśviatlajecca pravaabaroncami.
Viadoma, što žančyna z takim imieniem i proźviščam bolš za 20 hod pracuje ŭ Adkrytym akcyjaniernym tavarystvie «Śvietłahorski celułozna-kardonny kambinat».
Pra Irynu Subocinu u 2023 hodzie pisała rajonnaja hazieta «Śvietłahorskija naviny». Iryna — šmatdzietnaja maci, u 2010 hodzie jana była ŭznaharodžanaja Ordenam Maci za vychavańnie 5 dziaciej. Taksama Iryna Subocina dobra spraŭlałasia sa svaimi prafiesijnymi abaviazkami i za heta jaje ŭ 2013-m uznaharodzili hanarovaj hramataj tavarystva, a ŭ 2021-m zanieśli na Došku honaru pradpryjemstva za «dobrasumlennuju pracu i pośpiechi ŭ rabocie».
Ciapier čytajuć
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni21
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary