Biez čerhaŭ i abmiežavańniaŭ. Chto moža jechać na matacykle ŭ Litvu
Pačynajučy z 17 žniŭnia trapić ź Biełarusi ŭ Litvu na ŭłasnym aŭto mohuć tolki biełarusy ź vizaj abo DNŽ, vydanymi mienavita ŭ Litvie. Dla ŭsich astatnich adziny šlach u Jeŭrasajuz na aŭto lažyć praź dziejny punkt propusku «Brest» na biełaruska-polskaj miažy. Ale jość alternatyva — matacykł.
Adziny vid transpartu, jaki nie zakranuli abmiežavańni
Sankcyi ES, jakija dazvalajuć krainam samastojna vyrašać, jakimi buduć abmiežavańni ŭ dačynieńni da ŭjezdu lehkavych aŭto ź biełaruskaj rehistracyjaj, nijak nie zakranajuć taki vid transpartu, jak matacykły, skutery i mapiedy.
Z hetaha vynikaje, što biełaruskija matacyklisty, jak i raniej, mohuć trapić, naprykład, u Litvu na matacykle. Pry hetym, niama roźnicy, vizu abo DNŽ jakoj krainy maje padarožnik.
Infarmacyja pra toje, što dla matacyklistaŭ niama nijakich abmiežavańniaŭ paśla 17 žniŭnia dniami pačała źjaŭlacca ŭ admysłovych čatach.
Toje, što na pierasiačeńnie biełaruska-litoŭskaj miažy na matacykle niama nijakich abmiežavańniaŭ, paćvierdzili i ŭ litoŭskaj mytni.
Tamu biełarusy mohuć pryjazdžać u Litvu na matacykłach navat u tych vypadkach, kali jany majuć, naprykład, polskuju vizu abo polski DNŽ.
A što rabić uzimku?
Skarystacca takoj mahčymaściu možna da zimy, pakolki ciaham troch zimovych miesiacaŭ u Litvie zabaroniena jeździć na matacykłach ź letnimi pakryškami.
Taksama nielha jeździć na matacykle ŭ Litvu ŭ sakaviku i listapadzie, kali chacia b častka prajeznaj častki pakryta śnieham abo lodam.
Z 1 krasavika nijakich abmiežavańniaŭ na pajezdki na matacykłach na letnich pakryškach niama.
Nahadajem, što na aŭtamabili ŭ Litvu pačynajučy z 17 žniŭnia mohuć trapić tolki biełarusy ź vizaj abo DNŽ, vydadzienymi Litvoj. Taki pierachodny pieryjad budzie dziejničać da 18 studzienia 2025 hoda. Paśla hetaj daty aŭto ź biełaruskimi numarami nie zmohuć znachodzicca ŭ Litvie ŭ niezaležnaści ad taho, ź jakoj krainy jany tudy zajechali.
Ale hetyja abmiežavańni nie raspaŭsiudžvajucca na matacykły.
«Ja sam usio rabiŭ pravilna». Syn dyjakana paprasiŭ pazbavić vizy dačku hienierała — i trapiŭ u turmu za palityku3
Kamientary
U biełarusaŭ zaraz niama ani suvierenitetu, ani demakratyčhaha ładu, bo Biełaruś zaraz faktyčna źjaŭlajecca padmandatnaj terytoryjaj, jarłyk na kiravańnie jakoj Kreml vydaŭ dyktataru Łukašenku, padtrymaŭšy kanstytucyjny pieravarot 1996 i kontrrevalucyju 2020. Tamu jak kažuć - čyja b karova myčała.
Ale što biełarusy zdolnyja zrabić u hetaj situacyi? Adkaz vidavočny - usimi srodkami dakazvać litoŭskamu hramadstvu, što biełarusy - nia vorahi i nie pahroza, i što jany nie rasiejcy, nie saŭki i nie impieryjalisty. I heta musiać rabić nia tolki Cichanoŭskaja, jaje kamanda i biełaruskija palityki ŭ vyhnańni, ale kožny biełarus, jaki traplaje ŭ Litvu. Kali pašancavała atrymać litoŭski VNŽ - treba abaviazkova vučyć litoŭskuju movu i demanstravać litoŭcam, što vy jaje imknieciesia jaje vučyć i pavažać. A ŭ astatnich vypadkach - pavodzić sabie jak biełarusy, a nie rasiejcy. Najlahčejšy šlach heta zrabić - razmaŭlać pa-biełarusku.