Pastka začyniłasia. Vyhladaje, ukraincy sapraŭdy źniščyli ŭ Kurskaj vobłaści treci most
Treci most źniščany — naviedzieny dva pantony. I jany — najlepšy dokaz surjoznaści situacyi, piša vajskovy analityk Jan Maćviejeŭ. Heta značyć u rasiejskaj armii nie zastałosia paŭnavartasnaha šlachu dla adychodu na paŭnočny bierah. Ciapier USU pahražajuć akružyć rasiejskija siły, jakija stajać uzdoŭž miažy.
Siońnia źjaviłasia infarmacyja, što Ukraina atakavała i paškodziła apošni, treci, most praz raku Siejm u Kurskaj vobłaści. Hetu infarmacyju paćvierdzili najpierš z-kanały.
Paźniej zjavilisia spadarožnikavyja zdymki naviedzienych pantonnych mastoŭ siłami US RF praz hetuju raku.
«Pantony naviedzienyja ŭ adzin kaniec, ich rana ci pozna razburyć artyleryja, tamu namiery ŭ rasiejskich vajskoŭcaŭ surjoznyja. Albo pasprabujuć vyvieści hrupoŭku, albo naadvarot — uzmacnić i pasprabavać trymacca dalej. Asudžajučy sałdat na śmierć abo pałon. Ale kali rasijskich hienierałaŭ kłapacili padobnyja drobiazi», — piša Maćviejeŭ.
Jon źviartaje ŭvahu na ryzyku dla mirnych hramadzian evakuacyi praz pantony. «Bo arhanizavać paŭnavartasnuju i jakasnuju evakuacyju ŭ pieršyja dni nie znajšli času», — dadaje jon.
«Tak ci inakš, ja nie baču nijakich instrumientaŭ u rasiejskaj armii, jakimi b jana mahła źmianić situacyju ŭ hetaj kišeni pamiž Siejmam i miažoj. USU vyznačana zachopiać jaje ŭ najbližejšaj budučyni», — piša Maćviejeŭ.
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku16
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary
========
nu točno nie Jenisiej. takuju jeśli zachotiat to i vbrod pieriejti možno)