Hetaj zimoj u Minsku 10 hradusaŭ marozu i nižej było amal 30 dzion
A z pačatku studzienia na ŭsioj terytoryi Biełarusi ni razu nie było adlihi.
Z pačatku studzienia pa siońnia praktyčna na ŭsioj terytoryi Biełarusi ni razu nie było adlihi.
Takaja źjava byvaje ŭ našaj krainie davoli redka — prykładna raz u 20 hadoŭ, paviedamiła načalnik adździeła klimatu Respublikanskaha hidramieteacentra Alena Kamaroŭskaja.
Zimoj 1995—1996 hadoŭ adlihi nie było ni razu. Heta była adzinaja takaja zima za ŭvieś pieryjad mieteanazirańniaŭ, adznačyła śpiecyjalist.
Pieršy zimovy miesiac hetaha hoda pa tempieraturnym režymie nabliziŭsia da klimatyčnaj normy. Adnak śniežań byŭ vielmi kantrastny — anamalna ciopłaje nadvorje čarhavałasia z chałodnym. Byli adznačany rekordy pa maksimalnaj tempieratury pavietra, u pryvatnaści 2 śniežnia na mieteastancyi pasiołka
Akciabrski Homielskaj vobłaści było zafiksavana plus 13 hradusaŭ.
Siaredniaja tempieratura ŭ studzieni skłała minus 11,5 hradusa, što nižej za klimatyčnuju normu na 4,8 hradusa. Takoha chałodnaha nadvorja ŭ studzieni paśla 1987 hoda ŭ Biełarusi nie adznačałasia ni razu. Choć da pieryjadu paciapleńnia, jaki pačaŭsia ŭ 1989 hodzie, takija i bolš nizkija tempieratury rehistravalisia raz u piać hadoŭ.
Hetaj zimoj samaja nizkaja tempieratura pavietra zafiksavana 27 studzienia
na mieteastancyi Jeziaryšča Viciebskaj vobłaści — minus 32,6 hradusa.
Z pačatku zimy ŭ Minsku ŭžo naličvajecca 29 dzion ź siaredniasutačnaj tempieraturaj pavietra 10 hradusaŭ marozu i nižej.
Stolki maroznych dzion zapar u Biełarusi apošni raz nazirali piatnaccać hadoŭ tamu. Zimoj 1995‑1996 hadoŭ naličvałasia 33 dni z takoj nizkaj tempieraturaj. Apošni raz praciahły pieryjad marazoŭ naziraŭsia ŭ 2002‑2003 hadach. Adnak tady tempieraturny režym byŭ bolš niaŭstojlivy i naziralisia adlihi.
Alena Kamaroŭskaja taksama adznačyła, što dla zimy sioleta charakterny mocnyja śniehapady. Maksimalnaja vyšynia śniežnaha pokryva na mieteastancyi Kaściukovičy składaje 47 sm, a na bolšaj častcy terytoryi krainy jana vahajecca ad 30 sm da 40 sm.
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja6
Kamientary