Amierykanskija ŭłady ŭchvalili abnoŭlenyja vakcyny ad COVID-19
Abnoŭlenyja preparaty nakiravanyja suprać novych štamaŭ karanavirusa i zabiaśpiečvajuć bolš nadziejnuju abaronu.
Fiederalnaje ŭpraŭleńnie pa kantroli jakaści praduktaŭ charčavańnia i lekaŭ (FDA) uchvaliła abnoŭlenyja vakcyny ad COVID-19, raspracavanyja kampanijami Pfizer i Moderna. Preparaty nakiravanyja suprać raspaŭsiudžanych ciapier štamaŭ karanavirusa i zabiaśpiečvajuć bolš nadziejnuju abaronu ad ciažkich simptomaŭ, paviedamlaje «Hołas Amieryki».
Farmaceŭtyčnyja kampanii pačnuć pastaŭlać miljony doz vakcyn praź niekalki dzion.
Treciaja farmaceŭtyčnaja kampanija, Novavax, zajaviła, što čakaje ŭchvaleńnia svajoj abnoŭlenaj vakcyny ŭ najbližejšy čas.
Fiederalnyja centry pa kantroli i prafiłaktycy zachvorvańniaŭ (CDC) rekamiendavali abnoŭlenyja pryščepki dla darosłych i dziaciej, starejšych za 6 miesiacaŭ.
Novyja vakcyny byli ŭchvaleny na fonie novaj chvali zaražeńniaŭ COVID-19 i rostu špitalizacyi i śmierciaŭ, źviazanych z hetym zachvorvańniem. Adnak paśla piku pandemii popyt na vakcynacyju źniziŭsia.
«My nastojliva raim usim, chto adpaviadaje kryteram, razhledzieć mahčymaść uviadzieńnia abnoŭlenaj vakcyny ad COVID-19, kab atrymać bolš efiektyŭnuju abaronu ad štamaŭ, jakija cyrkulujuć zaraz», — zajaviŭ kiraŭnik adździeła vakcyn FDA doktar Piter Marks, padkreśliŭšy, što «vakcynacyja pa-raniejšamu źjaŭlajecca krajevuholnym kamieniem prafiłaktyki COVID-19».
Rašeńnie admovicca ad novaj pryščepki — «niebiaśpiečny šlach», zajaviŭ doktar Robiert Chopkins-małodšy z Nacyjanalnaha fondu infiekcyjnych zachvorvańniaŭ. Navat kali pacyjent lohka pieranios papiaredniaje zaražeńnie, biez novaj vakcyny nastupnaje zaražeńnie karanavirusam moža akazacca bolš ciažkim abo pryvieści da zaciažnych simptomaŭ COVID.
Chopkins taksama zaklikaŭ ludziej, jakija schilnyja da vysokaj ryzyki surjoznych zachvorvańniaŭ abo śmierci ad COVID-19, jak maha chutčej zapisacca na atrymańnie abnoŭlenaj vakcyny.
Da hrup vysokaj ryzyki adnosiacca pažyłyja, ludzi sa słaboj imunnaj sistemaj abo surjoznymi zachvorvańniami, a taksama ciažarnyja žančyny.
Pradstaŭniki orhanaŭ achovy zdaroŭja taksama zaklikajuć pamiatać, što, choć papiarednija zaražeńnia i vakcynacyi ad COVID-19 dajuć niekatory imunitet ad virusa, hety imunitet nie viečny.
Letašnija pryščepki byli nakiravanyja na štam karanavirusa, jaki bolš nie źjaŭlajecca šyroka raspaŭsiudžanym.
Pradstaŭniki orhanaŭ achovy zdaroŭja taksama sprabujuć źniać aściarohi z nahody adnačasovaj vakcynacyi ad COVID-19 i ad hrypu. Pa ich słovach, heta narmalna i bolš zručna.
Apošnim časam rost zachvorvańniaŭ na kavid fiksujecca ŭ susiednich ź Biełaruśsiu Polščy i Ukrainie. Hałoŭny sanitarny doktar Polščy navat rekamiendavaŭ nasić maski.
Pamior dzied Koli Łukašenki — były viazień HUŁAHa, asudžany za dapamohu «banderaŭcam»8
Kamientary