Tłumačyć redaktar «Našaj Nivy».
U efiry Ryhora Azaronka Juryj Vaskrasienski kazaŭ pra vyzvaleńnie palitviaźniaŭ.
«Ideałohija — heta dobra, ale byćcio vyznačaje śviadomaść», — kazaŭ jon.
Jon tłumačyŭ nieabchodnaść adlihi ekanamičnymi patrebami.
«Ideałohija — heta dobra, ale byćcio vyznačaje śviadomaść. Saviecki Sajuz pavalili, mienavita naniosšy ŭdar pa ekanomicy, a potym pajšło ŭsio razłažeńnie.
Viadoma, kali pojdzie havorka, [kab] adpuścić jašče niejkuju partyju [palitviaźniaŭ] uzamien na admienu sankcyj, my možam razhledzieć usie pytańni. Tamu što nam treba płacić piensii, nam treba ŭtrymlivać paradzich, dekretnic, hadavać dziaciej. Viadoma, my možam pajści na abmien.
Što nam važniej? Adpuścić 50 zmaharoŭ i spakojna zabiaśpiečyć napaŭnieńnie biudžetu? Ci kab jany siadzieli?»
Takim čynam, Vaskrasienski pryznaŭ, darečy, što palitviaźni źjaŭlajucca faktyčna zakładnikami — tak nacysty ŭ vajnu brali zakładnikaŭ na akupavanych terytoryjach, kab šantažavać praciŭnika, padpolle. I taksama pryznaŭ, što handal palitviaźniami padpadaje, faktyčna, pad isny artykuł Kryminalnaha kodeksa ab handli ludźmi.
Vaskrasienski jak taki byŭ stvorany, kab chłusić hramadstvu i Zachadu. Ale i hramadstva, i Zachad mudryja, ich ciažka padmanuć, u hetym sensie razumna, što jaho skiravali na apracoŭvańnie aŭdytoryi azaronkaŭ i bondaravych — taho niešmatlikaha słoju, jakaja padtrymlivaje represii i radujecca im. Voś im Vaskrasienski i tłumačyć, dla čaho spatrebiŭsia razvarot u pavietry.
Nijakaj krytyčnaj situacyi z vypłatami paradzicham i dekretnicam niama, biudžet napoŭnieny — kryvavyja, praŭda, to hrošy, atrymanyja ŭzamien za absłuhoŭvańnie impieryjalistyčnaj vajny. Ale napoŭnieny biudžet.
Vyzvalić palitviaźniaŭ Minsku dyktujuć nie niepasrednyja ekanamičnyja patreby, a siarednieterminovyja ryzyki. Represii paralizujuć tvorčy patencyjał hramadstva i vyklikajuć emihracyju. Miž tym Maskva nie dabiłasia va Ukrainie taho, što chacieła. I dynamika ŭsio horšaja dla Rasii: užo sam pieranos teatra vajennych dziejańniaŭ u Kurskuju vobłaść pakazalny. Mir, zaklučany Rasijaj na niavyhadnych dla jaje ŭmovach, budzie aznačać dla Minska najpierš źnižeńnie rasijskich datacyj i zakazaŭ dla VPK. A ciapier kraina dasiahnuła takoj stupieni ekanamičnaj zaležnaści ad Rasii i izalacyi ad čatyroch ź piaci susiedziaŭ, jakoj jašče nikoli nie było. Nikomu nie chočacca być vasałam, a tut i abvalicca možna.
Tamu Minsk i pačaŭ vyzvalać palitviaźniaŭ. Ale voś što važna:
- Minsk praciahvaje pastaŭlać zbroju Rasii dla viadzieńnia impieryjalistyčnaj vajny.
- Prapahanda nianaviści zachoŭvaje toj ža maštab, jaki nabyła ŭ 2020-m. Raspalvańnie mižnacyjanalnaj varožaści — u tym liku da Ukrainy, narodaŭ Zachadu, nie spyniłasia.
- Represii praciahvajucca ŭ tym ža maštabie, jaki jany nabyli ŭ 2021-m, jany našmat bolšyja, čym byli ŭ 2020-m, nie kažučy pra raniejšy pieryjad, navat publičnaja rytoryka karnych orhanaŭ nie źmianiłasia.
- Katavańni palitviaźniaŭ i zatrymanych za palityku nie spynilisia. Na Akreścina dziaŭčaty pa-raniejšamu śpiać na bietonie biez matracaŭ, asudžanych hnajać u SIZA. Palinu Šarendu mučać tym samym sposabam, jakim Alesia Puškina daviali da śmierci.
- Za kratami zastajucca Siarhiej Cichanoŭski, Viktar Babaryka i jahony syn, nobieleŭski łaŭreat Aleś Bialacki, Mikoła Statkievič, Maryna Zołatava i Ludmiła Čekina, Pavieł Sieviaryniec, Źmicier Daškievič, Pavieł Biełavus. Dy što tam, pieraličvać možna biaskonca — 98% palitviaźniaŭ zastajucca za kratami.
- Ludzi na chatniaj chimii farmalna nie ličacca palitviaźniami, ale jany taksama represavanyja. Nivodnaha ź ich jašče nie pamiłavali.
- Łukašysty starajucca prynizić u vačach biełarusaŭ Jeŭrasajuz i jaho krainy, pakazać ich słabymi i niepaśladoŭnymi, dabiŭšysia źniaćcia sankcyj biez vykanańnia raniejšych bazavych patrabavańniaŭ.
Što ž, dobra, što viaźni vychodziać, što dzieci buduć raści z baćkami, ale my pamiatajem i pra pieraličanaje vyšej.
Papularny tyktokier z Rasii tusić u darahich restaranach Minska: «Byccam bamžu padali. Žarycie, na zdaroŭje»22
Kamientary
Mudry Zapad, Rasieja ničoha nie dabiłasia v Ukrainie, aŭdytoryja Bondaravaj i Azaronka (jakaja ŭ ich aŭdytoryja, ale?).
Niejki pieralik štampaŭ.
Dzie prafiesijnaja, analityčnaja NN času Martynoviča?
Što heta za nizki i marhinalny uzrovień niejkaj SavBiełki naadvarot?
A piensii tam... nu svojej mamie ja kak-niť dienieh dokinu. I jeŝie ostanietsia na donaty ZSU.
Vaskrasienski ekanamist? Nasamreč być ekanamistam i zajmacca kantrabandaj u Rasieju ŭ jakaści ŭznaharody za pracu kratom na KDB - roznyja rečy.
Lepš za ŭsich savok valiŭ sabie sam.
U pryncypie, abviešany utrymańniem kamunistyčnych i antyamierykanskich dyktatur pa ŭsiamu śvietu savok znachodziŭsia ŭ stanie biez 5 chvilin ad patencyjnaha ekanamičnaha kałapsa jašče naprykancy 60ch-pačatku 70ch hadoŭ XX st. Pramysłovaść i sielskaja haspadarka byli nieefiektyŭnymi, CCCR impartavaŭ zboža s paŭnočnaj Amieryki. Ale adbyŭsia cud, jaki aćciahnuŭ krach SSSR prykładna na 15 hadoŭ.
U kastryčniku 1973 krainy APIEK abjavili embarha na pastaŭku nafty krainam (pieravažna zachodnim), jakija padtrymali Izrail u vajnie Sudnaha dnia. Košty na naftu za hod pavialičylisia ŭ 4 razy. I chacia embarha pratrymałasia tolki poŭhady - košty nia źnizilisia. I tut apynułasia vielmi darečnaj dabudova naftaprovadu Družba-2, jakaja dazvoliła SSSR rezka naraścić ekspart nafty ŭ Jeŭropu pa padrosłych koštach. Da embarha SSSR nie dałučyŭsia. U 1979 hodzie ŭ suviazi z napružanaściu pamiž Irakam i Iranam znoŭ adbyŭsia rezki rost naftavych koštaŭ z-za čaho nafta padaražeła udvaja. Na SSSR litaralna paliŭsia naftadalaravy doždž.
Tamu krach SSSR adkłaŭsia, i pačaŭsia pieryjad zastoja. To bok cyvilny siektar amal nie ruchaŭsia i trymaŭsia praź dziarždatacyi, ale adbyŭsia burny kolkasny rost VPK praz prasunutuju ministram abarony Ŭścinavym honku ŭzbrajeńniaŭ. Zroblenyja saŭkom mienavita tady hory braniatechniki i amunicyi zaraz vajujuć va Ŭkrainie. Ale heta było nie ŭsio - savieckaje kiraŭnictva nastolki pavieryła ŭ toje, što narešcie złaviła boha za baradu, što pačało afhanskuju vajnu. Taksama nia tannuju.
Ale ŭ 1982 cud skončyŭsia. Užyvańnie nafty ŭ śviecie skaraciłasia, a dabyča vyrasła. Košty palacieli ŭniz i za 4 hady źnizilisia utraja. Va ŭmovach nabližeńnia ekanamičnaha kałapsa Harbačoŭ niešta pasprabavaŭ libieralizavać (u t.ł. i ekanamična), ale sacyjalistyčnaja sistema była niesumiaščalnaj z rynkam, savok zbankrutavaŭ i raspaŭsia.