Viełasipiedystaŭ znoŭ abaviažuć śpiešvacca na piešachodnych pierachodach. Samakatčykaŭ taksama
Vyklučeńnie zrobiać dla pierachodaŭ, dzie buduć abstalavany śpiecyjalnyja śviatłafory dla viełasipiedystaŭ.
Viełasipiedystaŭ, samakatčykaŭ i ŭładalnikaŭ inšych srodkaŭ mabilnaści chočuć abaviazać śpiešvacca na piešachodnych pierachodach i viełapierajezdach. Pra heta raspavioŭ načalnik Hałoŭnaha ŭpraŭleńnia Dziaržaŭtainśpiekcyi MUS Viktar Rotčankaŭ.
Z 12 pa 27 vieraśnia na sajcie pravavoha internet-partała raźmieściać prajekt ukaza ab uniasieńni źmianieńniaŭ u PDR. U pieršuju čarhu hetyja źmieny buduć tyčycca mienavita viełasipiedystaŭ i samakatčykaŭ.
Nie śpiešvacca budzie dazvolena na viełapierajeździe, jaki abstalavany transpartnym śviatłaforam, jaki rehuluje ruch viełasipiedystaŭ.
«Kali ravaryst za horadam ruchajecca pa krai prajeznaj častki, i jon pierasiakaje skryžavańnie, to ŭ suviazi z hetym jamu taksama možna budzie nie śpiešvacca. Va ŭsich astatnich vypadkach pry pieramiaščeńni praz prajeznuju častku: pa piešachodnym, viełapierajeździe, vadzicieli srodkaŭ piersanalnaj mabilnaści (samakataŭ, monakołaŭ i hiraskutaraŭ) i viełasipiedysty ŭ prajekcie ŭkaza buduć abaviazany śpiešvacca», — skazaŭ Rotčankaŭ.
Kamientary