U Vialikabrytanii ŭ namieśnicy ministra skrali sumačku, pakul jana vystupała z pramovaj pa prablemie kradziažoŭ
Dyjana Džonsan udzielničała ŭ palicejskaj kanfierencyi i zaklikała da ŭzmacnieńnia paradku.
Dyjana Džonsan, jakaja zajmaje pasadu namieśnicy ministra ŭnutranych spraŭ Vialikabrytanii pa pytańniach palicyi, pažarnaj achovy i prafiłaktyki złačynnaści, stała achviaraj drobnaha kradziažu padčas palicejskaj kanfierencyi.
Džonsan vystupiła pierad palicejskimi z pramovaj, u jakoj raskrytykavała papiaredni kansiervatyŭny ŭrad i zajaviła, što ŭ krainie pačałasia «epidemija antyhramadskich pavodzin, zładziejstva i drobnych kradziažoŭ u kramach», piša BBC.
Iranična, što ŭ hety momant z numara Džonsan u hateli, dzie prachodziła kanfierencyja, skrali sumačku. Taksama abakrali niekalkich supracoŭnikaŭ aparata MUS. Palicyja nieŭzabavie aryštavała padazravanaha 56-hadovaha mužčynu. Jon byŭ adpuščany pad zakład da zakančeńnia rasśledavańnia.
U vystupie na kanfierencyi Džonsan paabiacała, što lejbaryscki ŭrad viernie pavahu da palicyi, jakaja, maŭlaŭ, pachisnułasia za pieryjad praŭleńnia kansiervataraŭ. Taksama lejbarysty abiacajuć dadatkovaje finansavańnie i stvareńnie novych prahram padrychtoŭki aficeraŭ u rehijonach.
Palicejskija ličać adnoj z pryčyn rostu ŭzroŭniu złačynnaści maštabnuju amnistyju, jakaja prachodzić u Vialikabrytanii. Sotni źniavolenych vypuskajuć z turmaŭ bieź śpiecyjalnaha płana, i palicyi ciažka kantralavać situacyju.
Ciapier čytajuć
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu27
Kamientary