U abjavie było napisana «ad 6 rubloŭ», a chłopiec addaŭ za pieraŭstanoŭku Windows 345 rubloŭ
U redakcyju Onliner źviarnuŭsia Valeryj, jaki dniami vyklikaŭ majstra pa naładzie kampjutara. Abjavu jon znajšoŭ u internecie, dzie košt ustanoŭki Windows byŭ paznačany «ad 6 rubloŭ». U vyniku za 30 chvilin pracy chłopiec zapłaciŭ majstru 345 rubloŭ.
— U internecie znajšoŭ abjavu: ŭstanoŭka sistemy ŭsiaho ad 6 rubloŭ! Zhadziŭsia, vyklikaŭ majstra. Kali jon pryjechaŭ, to pravioŭ dyjahnostyku i skazaŭ, što za ŭsio vyjdzie 175 rubloŭ. Ja spytaŭ, čamu tak doraha, bo pieršapačatkova było «ad 6 rubloŭ». Jon pačaŭ pieraličvać, što jašče treba zrabić, i ŭ vyniku ja pahadziŭsia, — raspaviadaje Valeryj.
Praca zaniała ŭsiaho 30 chvilin, ale, jak śćviardžaje chłopiec, paśla zaviaršeńnia majstar raptam zapatrabavaŭ užo 345 rubloŭ. Akazałasia, što jon «zrabiŭ šmat dadatkovaha», ale zabyŭsia papiaredzić abo spytać zhodu.
— Jon pačaŭ kazać, što pieraŭstaloŭvaŭ Windows dva razy, ustalavaŭ 19 drajvieraŭ i kožny drajvier kaštavaŭ amal 7 rubloŭ! Kali b jon adrazu skazaŭ, što ich budzie 19, ja b prykinuŭ, što heta hruba 140 rubloŭ plus Windows i pryntar, to bok 175 rubloŭ nu nijak nie vyjdzie. My byli jak pad hipnozam i zapłacili, ale harantyj i čekaŭ jon nie daŭ i chutka syšoŭ.
A voś, ułasna, i śpiecyfikacyja.
Chłopiec źviarnuŭsia ŭ milicyju i płanuje pisać zajavu ŭ padatkavuju i sud.
— Moža, kali hetuju historyju apublikavać, tady inšyja ludzi buduć aściarožniej, — kaža Valeryj.
Parady
U tavarystvie abarony pravoŭ spažyŭcoŭ «Na baku prava» padzialilisia niekatorymi paradami, jakija dapamohuć paźbiehnuć nieabhruntavanych vydatkaŭ na ramont techniki.
1. Spytajecie ŭ vykanaŭcy da momantu akazańnia pasłuh pradastavić vam damovu. U joj pavinna być ukazana nastupnaja infarmacyja:
- rekvizity vykanaŭcy abo jurydyčnaj asoby (proźvišča, adras pražyvańnia/iurydyčny adras, ulikovy numar padatkapłacielščyka);
- data składańnia dahavora;
- pradmiet dahavora (jakaja pasłuha budzie akazana);
- košt i paradak apłaty pasłuhi;
- terminy akazańnia pasłuhi.
2. Paśla akazańnia pasłuh vykanaŭca pavinien pradastavić akt akazańnia pasłuh. U im, akramia źviestak ab pasłuhach i ich košcie, taksama pavinny być ukazany rekvizity vykanaŭcy abo jurydyčnaj asoby, a taksama data składańnia akta.
3. Uvažliva vyvučycie sajt vykanaŭcy na pradmiet najaŭnaści publičnaj afierty. Uvažliva pračytajcie, kali jana jość.
4. Kali vykanaŭca nie choča zaklučać z vami dahavor u piśmovaj formie, raim admovicca ad vusnych damoŭlenaściaŭ i pašukać inšych vykanaŭcaŭ.
-
«Nie marnujcie čas». Kampanija prajechała 22 kiłamietry ŭ restaran pad Hrodnam, zapłaciła za ŭvachod u jaho, ale zastałasia hałodnaj
-
27 mihrantaŭ paśpiachova pierajšli biełaruska-litoŭskuju miažu, ale zaśviacilisia na kamiery litoŭskich palaŭničych VIDEA
-
«My ŭžo nie postsavieckaje hramadstva». Aleś Bialacki vystupiŭ na Nobieleŭskaj kanfierencyi
Ciapier čytajuć
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1515
Kamientary