Biełarus źbiraŭ jabłyki i natknuŭsia na miłaha hryzuna z Čyrvonaj knihi VIDEA
Minčuk pracavaŭ na zakrytym plažy na Dubroŭskim vadaschoviščy ŭ Łahojskim rajonie i ŭbačyŭ niezvyčajnaha źviarka, jaki biehaŭ pa halinkach jabłyniaŭ.
Vyjaviłasia, što mužčyna całkam vypadkova natknuŭsia na arešnikavuju soniu — hryzuna z Čyrvonaj knihi.
Jaŭhienu ŭdałosia źniać źviarka na videa, piša Onliner.
«Ja chadziŭ pa terytoryi, źbiraŭ jabłyki i na adnym z dreŭ ubačyŭ źviarka. Pakul nie dastaŭ telefon, jana naohuł ničoha nie bajałasia. Siadzieła za 10 santymietraŭ ad maich palcaŭ i pavodziła siabie spakojna. Nu a potym jaje, mahčyma, spałochaŭ abjektyŭ kamiery i jana ŭciakła», — raskazaŭ minčuk.
U 2020 hodzie arešnikavuju soniu ŭpieršyniu vyjavili na terytoryi nacyjanalnaha parku «Brasłaŭskija aziory» kala vioski Ikazń.
Hryzun siłkujecca pieravažna nasieńniem, lasnymi arechami, žałudami, jahadami čarnic, sunic, ažynaŭ, bruśnic. Čaściej za ŭsio jaho možna ŭbačyć u padlesku. U kožnaj asobiny jość svaja zimovaja nara i niekalki hniozdaŭ-schoviščaŭ, jakija jana ŭładkoŭvaje na drevach.
Arešnikavaja sonia viadzie načny ład žyćcia, šmat śpić, ad hetaha i atrymała takuju nazvu. Ubačyć jaje aktyŭnaj dniom — sapraŭdnaja ŭdača. U śpiačku sonia ŭpadaje ŭ kastryčniku i znachodzicca ŭ hetym stanie da krasavika.
Biełaruska padabrała na vulicy vavierčania. Jak vyjaviłasia, darma
Ekzatyčnyja kankurenty kocikaŭ. Jakich niezvyčajnych chatnich hadavancaŭ možna sustreć u biełaruskaj pravincyi
U Biełaviežskaj puščy raskazali, jak i dzie žyvuć barsuki
Maładziečaniec adbiŭ ad varon paranienaha zajca i «ŭhavaryŭ» pajechać na lačeńnie
U Prykarpaćci razmnožylisia zialonyja papuhai. Zdajecca, chutka jany raśsielacca i na poŭdni Biełarusi
«Tania, my z taboj!» Ułady zapuścili fłešmob u padtrymku žančyny ŭ čyrvona-zialonym VIDEA21
Kamientary
Arechavaja Sonia heta dziejač z kazki
" Alisa ŭ krainie cudaŭ " . Biełaruś pieratvarajecca u " zaluster'e " ))