U Prypiackim nacparku zaprašajuć na niezvyčajnuju ekskursiju — pasłuchać roŭ aleniaŭ
Abiacajuć šykoŭny pryrodny śpiektakl. Ale ŭbačyć i pačuć možna tolki ŭ vieraśni.
Prypiacki nacyjanalny park zaprašaje na niezvyčajnuju ekskursiju: turystam prapanujuć pasłuchać roŭ vysakarodnych aleniaŭ.
U vieraśni samcy vysakarodnych aleniaŭ tradycyjna ładziać šlubnyja hulni i spaborničajuć u tym liku ŭ mahutnym rovie.
«Roŭ aleniaŭ — heta sapraŭdny teatr, dzie na praciahu miesiaca raźvivajecca drama. Na scenu vychodziać dziasiatki aleniaŭ u supravadžeńni svaich dam serca. Dramatyčny siužet raźvivajecca tak, što tolki najlepšyja samcy źbiaruć vakoł siabie siabrovak, a tyja, chto prajhraŭ, zastanucca ŭ adzinocie, kab znoŭ ustupić u bitvu tolki praz hod. Časam na krajočku sceny mirna ŭźlažyć statak zubroŭ i maŭkliva naziraje za batalijami zboku, špacyrujuć kazuli, nietaropka, pa svaich spravach, prabiahaje barsuk abo ŭ epicentry padziej pranosiacca kabany sa svaimi małymi», — havorycca ŭ apisańni ekskursii.
Dla turystaŭ abstalavali śpiecyjalnyja naziralnyja vyški, ź jakich adkryvajecca najlepšy vid na pajadynki aleniaŭ.
Pry hetym ad hledačoŭ patrabujecca zachavańnie poŭnaj cišyni. Kaštuje ekskursija 55 rubloŭ, z ulikam ekałahičnaha zboru. Pravodzicca rana ranicaj, na ŭzychodzie sonca, i ŭviečary na zachodzie.
Ekskursija na šlubnyja hulni aleniaŭ praciahvajucca z 1 pa 24 vieraśnia.
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary