«My padtrymlivajem ukrainskuju formułu miru». Cichanoŭskaja ŭ Ńju-Jorku raskazała pra biełaruskaje bačańnie situacyi
23 vieraśnia ŭ Ńju-Jorku raspačałasia Hienasambleja AAN. Udzieł u mierapryjemstvie ŭziała Śviatłana Cichanoŭskaja. Šmat uvahi padčas pasiadžeńniaŭ nadavałasia vajnie va Ukrainie, mirnym pieramovam i biaśpiecy ŭ rehijonie, paviedamlaje jaje pres-słužba.
Śviatłana Cichanoŭskaja raspaviała pra pazicyju, jakuju davodziła na Hienasamblei:
«My padtrymlivajem ukrainskuju formułu miru. Vajna pavinna być skončanaja. Ukraina pavinna viarnuć svaje terytoryi, a adkaznyja za vajnu — panieści pakarańnie.
Adnak dla biełarusaŭ vielmi važna, kab u lubych damoŭlenaściach uličvalisia i našyja nacyjanalnyja intaresy. Tamu padčas Hienasamblei my nastojvali: rasijskija vojski pavinny być vyviedzienyja nie tolki z terytoryi Ukrainy, ale i Biełarusi — hetaksama, jak i rasijskaja jadziernaja zbroja. Vajenna-palityčnyja pahadnieńni pamiž Minskam i Maskvoj paśla 2020 hoda pavinny być anulavanyja».
Na dumku Cichanoŭskaj, šlach da tryvałaha miru pavinien uklučać:
- vyzvaleńnie biełaruskich palitviaźniaŭ;
- praviadzieńnie sumlennych i svabodnych vybaraŭ u Biełarusi pad mižnarodnym nahladam,
- praviadzieńnie kanstytucyjnaj reformy.
«Tolki demakratyčna abranaje kiraŭnictva Biełarusi moža stać harantam dla biaśpieki Ukrainy, hetaksama i jak i dla inšych našych susiedziaŭ», — zaklučaje nacyjanalny lidar Biełarusi.
«Heta doktar ad Boha». Za palityku sudziać dziciačaha ankołaha z 23-hadovym stažam2
Kamientary
Ona rasskazała nie o Biełaruskom vidienii situpcii a o vidienii otdielnoj hruppv kotoraja pytajetsia hovoriť za vsiech!