U Rasii anansavali vypusk «pieršaha pravasłaŭnaha miesiendžara». Što jon budzie saboj ujaŭlać?
Novy miesiendžar, pa słovach stvaralnikaŭ, «voźmie samaje lepšaje z suśvietna viadomych sacsietak» i budzie nazyvacca «Zasima» — u honar pamierłaha pravasłaŭnaha manacha Zasimy Sałavieckaha, jakoha RPC ličyć śviatym. Sama RPC, pry hetym, zajaŭlaje, što dla jaje navina pra vypusk novaha miesiendžara stała siurpryzam.
Rasijski fond «Inatech XXI», jaki zajmajecca restaŭracyjaj pravasłaŭnych chramaŭ, płanuje vypuścić u listapadzie «pieršy pravasłaŭny miesiendžar u śviecie», pieradaje ahienctva RIA Naviny.
Servis pieršapačatkova byŭ raspracavany dla prajekta «Vyratuj i zachavaj» pa restaŭracyi chramaŭ u Jarasłaŭskaj vobłaści, a potym dadatak vyrašyli zrabić ahulnadastupnym. Miesiendžar padobny da WhatsApp i nazyvajecca «Zasima» — u honar śviatoha, adznačaje kiraŭnictva fondu «Inatech XXI».
Pa słovach stvaralnikaŭ, «Zasimaj» zmohuć skarystacca ŭsie vierniki, niezaležna ad kanfiesii, a sam resurs «ubiare ŭ siabie ŭsio najlepšaje ź inšych papularnych sacsietak».
«Novy miesiendžar dazvolić viernikam mieć znosiny adno z adnym, abmiarkoŭvać relihijnyja temy, atrymlivać infarmacyju ab carkoŭnych padziejach i arhanizoŭvać kalektyŭnyja malitvy. «Zasima» budzie padtrymlivać funkcyi aŭdyja– i videazvankoŭ, mieć kalandar z carkoŭnymi śviatami i datami pastoŭ, a taksama davać mahčymaść zachoŭvać natatki i napaminki», — raspaviadajuć stvaralniki miesiendžara z fondu «Inatech XXI».
Pry hetym, jak zajaŭlajuć krynicy partała Hazieta.ru u Rasijskaj pravasłaŭnaj carkvie, tam ničoha nie viedajuć pra vypusk novaha miesiendžara.
«Nam ničoha nie viadoma pra hety prajekt. Dziŭna, što jaho stvaralniki zachacieli zrabić hučny anons, nie abmierkavaŭšy hetuju inicyjatyvu z profilnymi carkoŭnymi strukturami», — paviedamiła adna z krynic u RPC.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary
:-)