Na paradzie ŭ Karei z vajskoŭcami maršyravali sabaki-robaty. Pakazali taksama rakietu, zdolnuju źniščyć Kim Čen Yna ŭ lubym bunkiery VIDEA
Hrandyjoznym vajskovym paradam Paŭdniovaja Kareja adznačyła 76-ty dzień svaich Uzbrojenych siłaŭ.
Parad adbyŭsia 1 kastryčnika na aeradromie ŭ horadzie-spadarožniku Sieuła Sanamie. Na im pakazali 340 adzinak vajskovaj techniki. Siarod jakoj tanki K2 — na ich ciapier, darečy, pieraviała svaju armiju Polšča, a taksama samachodnyja artyleryjskija ŭstanoŭki K9, bajavyja mašyny piachoty K21.
Na paradzie ŭpieršyniu byŭ pakazany rakietny kompleks Hyunmoo-5 («Chionmu» — «Čornaja čarapacha», piersanaž kitajskaj i karejskaj mifałohii), jaki zdolny źniščyć padziemny bunkier na hłybini da 100 mietraŭ. Heta byŭ vyrazny sihnał tatalitarnaj dyktatury Paŭnočnaj Karei i siamji Kimaŭ, jakaja jaje apanavała. Paviedamlajecca, što jaho rakieta ŭzbrojenaja zvyčajnaj bajavoj častkaj masaj da 9 ton. Śpiecyjalisty adznačajuć, što viersija rakiety z bojehałoŭkaj adnu tonu moža pralacieć da 5 tysiač kiłamietraŭ.
At a military parade to mark the 76th anniversary of the South Korean armed forces, Seoul unveiled a new Hyunmoo-5 ballistic missile with a warhead of up to 9 tons.#China pic.twitter.com/VBecNre4Eg
— Authentic World Updates (@worldupdates245) October 1, 2024
Pra isnavańnie anałahaŭ takoj zbroi ŭ arsienałach inšych dziaržaŭ ničoha nie viadoma, tamu śpiecyjalisty ličać hetuju zbroju samaj mahutnaj u svaim kłasie.
Hledačy taksama mahli ŭbačyć tolki što stvoranuju sistemu supraćrakietnaj abarony vialikaj dalokaści L-SAM (Long-range Surface-to-Air Missile). Raspracoŭniki śćviardžajuć, što zapuščanaja sistemaj «ziamla-pavietra» moža ŭrazić cel na vyšyni 50-60 kiłamietraŭ. Masavy vypusk sistem pačniecca ŭ 2025 hodzie.
Nad aeradromam pralacieli źniščalniki F-15K, KF-16, FA-50, KF-21, F-35A i zvyšhukavy bambavik ZŠA B-1B, jaki moža nieści ŭzbrajeńnie masaj da 57 ton.
Lancer pic.twitter.com/F0YFD3WwfX
— ハク Mason (@mason_8718) October 1, 2024
Zvyšhukavy bambardziroŭščyk ZŠA B-1B
U paradzie ŭziali ŭdzieł kala 5 tysiač sałdat i aficeraŭ. Akramia ich, uračystym maršam prajšli sabaki-robaty, jakija raspracavanyja dla dystancyjnaj raźviedki ŭ niebiaśpiečnych miescach.
Grand military parade in #Seoul⁰⁰#SouthKorea celebrated its 76th Armed Forces Day on Tuesday, October 1, with a ceremony showcasing a #US B-1B supersonic bomber and introducing its new Hyunmoo-5 ballistic missile. pic.twitter.com/puEMj4KIFj
— NEXTA (@nexta_tv) October 1, 2024
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj37
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary