«Patuhi, vałtuźnia i brudnyja mietady». Ryžankoŭ zajaviŭ, što Minsk spakojna hladzić na zvarot Litvy ŭ sud u Haazie
Pry hetym emacyjnaja afarboŭka śpiča ministra zamiežnych spraŭ kaža pra advarotnaje.
Kiraŭnik MZS Biełarusi Maksim Ryžankoŭ prakamientavaŭ pieradaču Litvoj materyjałaŭ na Łukašenku ŭ Mižnarodny kryminalny sud. Dypłamat nazvaŭ heta čarhovaj antybiełaruskaj akcyjaj «sychodziačaj litoŭskaj administracyi», piša BiełTA.
«Litva ździejśniła čarhovuju antybiełaruskuju palityčnuju akcyju. Sychodziačaja litoŭskaja administracyja, jakaja daŭno nie hrebuje vykarystoŭvać samyja brudnyja i supiarečnyja mižnarodnamu pravu mietady pracy, navažyła zadziejničać kantralavanyja Zachadam sudovyja instancyi, anhažavany charaktar jakich užo daŭno dla ŭsich staŭ vidavočny», — miarkuje Ryžankoŭ.
Jon zajaviŭ, što Minsk nibyta viedaŭ pra płany Litvy daŭno, i tamu pastaviŭsia da situacyi spakojna.
«I my dobra viedajem, dla čaho i z čyjoj padačy heta robicca. Nie treba być pryznanym ekśpiertam u halinie mižnarodnaha prava, kab zrazumieć absurdnaść i nadumanaść abvinavačvańniaŭ. Dla nas vidavočnaja bieśpierśpiektyŭnaść patuh Vilni i ich kurataraŭ. My spakojna hladzim na hetuju vałtuźniu i nie pierastajem zaklikać susiedziaŭ da razvažlivaści i adekvatnaści», — reziumavaŭ Ryžankoŭ.
Pry hetym kiraŭnik MZS nazvaŭ «isteryčnaj i niervovaj» reakcyju Vilni na jaho prasiaknuty antylitoŭskaj prapahandaj artykuł ab nieabchodnaści narmalizacyi adnosin pamiž dźviuma krainami. I zajaviŭ, što jahonaja pazicyja «atrymała mnostva ciopłych vodhukaŭ siarod žycharoŭ Litvy». Ź jakich krynic jon daviedaŭsia pra heta, Ryžankoŭ nie paviedamiŭ.
Nahadajem, u Litvie nazvali ŭmovy hetaj narmalizacyi: spynieńnie represij i padtrymki vajny suprać Ukrainy, svabodnyja vybary i pryciahnieńnie da adkaznaści Łukašenki i jahonych paplečnikaŭ.
Chto taja žančyna, jakuju Marzaluk u efiry BT abazvaŭ «švallu z Hrodna», i što jana piša ŭ čatach? Raskazvajem pra doktarku Stefanovič23
Kamientary
Vam žie vyrodkam vsie morie po koleno - no eto užie niedołho.
Nu voś na što ad Byłoha Pałpałyča Dziejnaha Kanalizatara supracivu vy spadziajeciesia.
Na takuju pozvu i sapraŭdny sud, a nia hety anekdot, adkaa: dobra, nie abzyvajciesia, dzieci, a nam nie durycie hałavu.
A ŭsie hetyja padłukašenki-ryžankovy prylatuć da Pachana: pačastuj łasunačkam, my adstajali na mižnarodnaj arenie beseseryjski suverynitet.
I jakasnyja, pavodle rejtynhu spadara Łukšy, tury i niajakasnyja, zhodna z toj ža klasafikacyjaj, azaronki chvalićmucca z televizara ćviarozamu kałhaśniku dypłamatyčnym pośpiecham.
Byłyja taksama atrymajuć hranta na burchlivuju anekdotasłučakoŭskuju dziejnaść eŭrapejskaha maštabu.
A paspalitamu ludu, ŭ zaležnaści ad boku znachodžańnia stasoŭna miažy, vałačy na karku parazytaŭ, ci tych, ci hetych