U japonskim aeraporcie vybuchnuła bomba časoŭ Druhoj suśvietnaj vajny
U aeraporcie Mijadzaki na paŭdniovym zachadzie Japonii 2 kastryčnika prosta na ŭźlotna-pasadačnaj pałasie vybuchnuła amierykanskaja bomba časoŭ Druhoj suśvietnaj vajny, paviedamlaje AP.
Na videa, jakoje pakazali ŭ efiry japonskaha telebačańnia, vidać, jak vybucham razarvała asfaltavaje pakryćcio ŭźlotna-pasadačnaj pałasy, «sfantanavaŭšy» kavałkami asfaltu i ziamli na dziasiatki mietraŭ u vyšyniu.
Paviedamlajecca, što paśla vybuchu na ziamli zastałasia varonka dyjamietram kala 7 mietraŭ i hłybinioj u 1 mietr.
U aeraporcie daviałosia admianić bolš za 80 rejsaŭ, ale abyšłosia biez paciarpiełych — pa ščaślivaj vypadkovaści padčas incydentu pablizu nie akazałasia nivodnaha samalota.
JUST IN - Bomb dropped by U.S. in World War II explodes at airport in Japan, causing runway damage and cancellation of 80 flights — CBS pic.twitter.com/aSLKkJb0m7
Pavodle infarmacyi ahienctva AR, pryčynaj incydentu stała nierazarvanaja amierykanskaja bomba časoŭ Druhoj suśvietnaj vajny — ich da hetaha času rehularna vykopvajuć to tut, to tam na budaŭničych placoŭkach. Jak tak vyjšła, što nierazarvanaja bomba apynułasia pachavanaja prama pad uźlotna-pasadačnaj pałasoj, ciapier vyśviatlaje śpieckamisija.
U miascovych pravaachoŭnych orhanach zajavili, što nijakaj niebiaśpieki dla dalejšaj pracy aeraporta ŭžo niama. Litaralna za noč paškodžańni ŭźlotna-pasadačnaj pałasy likvidavali i ŭžo ranicaj 3 kastryčnika paloty adnavili.
Chto taja žančyna, jakuju Marzaluk u efiry BT abazvaŭ «švallu z Hrodna», i što jana piša ŭ čatach? Raskazvajem pra doktarku Stefanovič23
Kamientary